Prezantohet pilot projekti “Microsoft Showcase classroom” për shkolla

Në konferencën e sotme për shtyp, ministri i arsimit dhe shkencës Pishtar Lutfiu, promovoi pilot projektin “Microsoft Showcase classroom” në shkollën “PENKO” në Shkup, njofton Telegrafi Maqedoni.

Me këtë rast, ministri deklaroi se „Ministria e arsimit vlerëson që inovacioni dhe teknologjitë e informacionit dhe komunikimit janë vendimtare dhe luajnë rol kryesor për të transformuar dhe modernizuar cilësinë e arsimit. Inaugurimi i “Microsoft Showcase Classroom” është një projekt konkret që synon të avancojë arsimin në vendin tonë si rezultat i përpjekjeve të përbashkëta të qeverisë, Ministrisë së arsimit dhe shkencës, Ministrisë së shoqërisë informatike dhe administratës me kompaninë lider të teknologjisë në botë Microsoft.“

Ministri Lutfiu bëri të ditur se tendencat afatgjate janë që institucionet shkollore të shndërrohet në një ambient edhe më të organizuar dhe më kreativ për mësim dhe bashkëpunim, të rris interesin dhe angazhimin e nxënësve në procesin mësimor dhe punën e pavarur, si dhe zhvillim më të madh të potencialit të tyre./Telegrafi/