Presidentja kroate të ndihmohen kroatët e Kosovës

Presidentja kroate, Kolinda Grabar-Kitaroviq, ka publikuar në llogarinë e saj në Facebook fotografi nga një takim të veçantë që ka pasur në Prishtinë.

Ajo ka takuar përfaqësuesin e 226 kroatëve të Kosovës dhe priftin don Mate, të cilët jetojnë në kushte të vështira në Janjevë.

Grabar-Kitaroviq shkruan edhe për takimin me një djalosh të ri dhe familjen tij, transmeton Koha.net.

Presidentja kroate i ka bërë apel Qeverisë së Kosovës dhe asaj të Kroacisë që të ndihmojnë këto familje dhe ky shembull të tregojë bashkëpunimin dhe miqësinë mes dy vendeve.

”[NDIHMË PËR JANJEVËN] Në Prishtinë kam biseduar me priftin e Janjevës, don Maten dhe përfaqësuesin e 226 janjevasve të tjerë që jetojnë në kushte jashtëzakonisht të vështira. Personalisht jam prekur shumë veçanërisht nga takimi me djalin dymbëdhjetëvjeçar, Pashki. Më foli për jetën e vështirë që e ka me tre vëllezër dhe katër motrat e tij. Personalisht do të angazhohem që të ndihmojë familjen e tij dhe gjithë bashkësinë e kroatëve në Janjevë, dhe apeloj në Qeverinë e Kosovës dhe Kroacisë që Janjeva të tregojë shembullin e miqësisë dhe bashkëpunimit”, ka shkruar Grabar-Kitaroviq.