Presidenti i Mercedesit, Wolf: Pa një marrëveshje për Brexit, do të jetë makth për ekipet angleze në Formula 1

Presidenti i Mercedes, Toto Wolf, tha se skenari pa një marrëveshje mbi Brexitin do të ishte fatale për ekipet britanike që konkurrojnë në Formula 1.

Wolf tha se nëse Mbretëria e Bashkuar largohet nga BE-ja pa një marrëveshje, të gjitha ekipet që vijnë nga vendet e BE-së do të kenë një përparësi të madhe, duke përfshirë Ferrarin dhe Alfa Romeon.

Tetë nga dhjetë ekipet e karvanit të F1 janë të bazuara në Angli dhe duke e lënë Bashkimin Evropian pa një marrëveshje të negociuar, do të kishte ndikim të madh negativ në vetë garën, por edhe në zhvillimin e makinës.

View this post on Instagram

Woohoo! Massive congratulations to @valtteribottas for his first ever pole position in Formula One! What a great peformance! #totowolff #valtteribottas #teamwolff #mercedesamgf1 #mercedesamgpetronas #mercedesf1 #mercedesbenz #teammercedes #formula1 #formulaone #f1 #racing #freepractice #bahraingp

A post shared by Toto Wolff (@totowolfffans) on Apr 15, 2017 at 10:12am PDT

Toto shtoi se skuderia gjermane tashmë po shqyrton mundësitë e ndryshme në lidhje me pajisjet e saja, por gjithashtu edhe punonjësit dhe se deri më 29 mars do të merr disa vendime të rëndësishme.

“Ne kemi shumë probleme të paparashikuara, të tilla si ruajtja e pjesëve dhe transportimit të tyre, si dhe transportimi i njerëzve”, tha Toto Wolf.

Lexo po ashtu Të gjitha lajmet rreth Formula 1

“Kjo mund të krijojë një dhimbje koke më shumë, sepse të gjitha ekipet janë të bazuara në Angli, në përjashtim të Ferrarit që është në Itali dhe Sauberit (Alfa Romeo), që është në Zvicër. Ne ndjekim lajmet. Nëse arrihet një marrëveshjeje apo jo, ne duhet të jemi të gatshëm dhe me siguri jeta vazhdon”, shtoi ai.

Ndryshe, Theresa May, kryeminstrja britanike ka negociuar një marrëveshje me BE-në, por që dy herë po refuzohet nga parlamenti i Mbretërisë së Bashkuar. /Telegrafi/