Presidenti i Koresë së Jugut kërkon falje disa ditë pasi shpalli gjendjen e luftës

Presidenti i Koresë së Jugut, Yoon Suk Yeol, ka thënë se është “shumë i penduar” disa ditë pasi shpalli gjendjen e jashtëzakonshme dhe rrethoi me ushtarë parlamentin.

Yoon shkaktoi tronditje në vend të martën kur vendosi ushtrinë në krye të qeverisjes, duke pretenduar se kjo ishte e nevojshme për të mbrojtur rendin kushtetues dhe për të “çrrënjosur forcat anti-shtetërore pro-Koreisë së Veriut”.

Megjithatë, ky veprim i papritur shkaktoi zemërim në publik dhe tek politikanët, të cilët menjëherë i dolën kundër – duke e detyruar atë të tërhiqej shpejt. Të shtunën në mëngjes, Yoon iu drejtua kombit në një transmetim televiziv, ku shumë prisnin që ai të jepte dorëheqje, përpara se të përballej me një votë për shkarkim.

Lexo po ashtu Presidenti jugkorean tentoi një grusht shteti, pasoi kaosi në parlament - çfarë ndodhi gjatë gjashtë orëve kaotike në Korenë e Jugut

Por, 63-vjeçari në vend të kësaj kërkoi falje, duke pretenduar se veprimet e tij buruan nga një ndjenjë “dëshpërimi”, shkruan skynews.

“Gjatë procesit [të shpalljes së gjendjes së jashtëzakonshme], shkaktova ankth dhe shqetësim te populli. Jam shumë i penduar. Kërkoj ndjesë të sinqertë nga njerëzit që duhet të jenë ndjerë shumë të befasuar”, pohoi ai.

Këto fjalë erdhën vetëm disa orë përpara një votimi parlamentar për shkarkimin e tij. Mocioni është dorëzuar nga partitë opozitare dhe kërkon një shumicë prej dy të tretash për të kaluar.

Shkarkimi i Yoonit kërkon 200 vota nga 300 anëtarët e Asamblesë Kombëtare. Partitë opozitare, të cilat kanë paraqitur mocionin, kanë 192 vende në total, që do të thotë se të paktën tetë deputetë të partisë së tij, Partisë së Fuqisë së Popullit, duhet të votojnë kundër tij.

Ai shtoi se nuk do të shmangë akuzat ligjore dhe se nuk do të ketë një gjendje të dytë të jashtëzakonshme.

Lexo po ashtu Çfarë ndodh nëse presidenti i Koresë së Jugut shkarkohet?

Megjithatë, fjalët e tij të pendimit nuk ishin të mjaftueshme për disa.

Lideri i partisë qeverisëse, Han Dong-hoon, deklaroi se Yoonit nuk është më në gjendje të përmbushë detyrat j dhe se dorëheqja është “e pashmangshme”.

Lideri i opozitës, Lee Jae-myung, tha se do të punojë për ta përfunduar mandatin e Yoonit përpara kohe dhe se ai përballet me zgjedhjen midis dorëheqjes ose shkarkimit. /Telegrafi/