Presidenti i klubit Al-Nassr flet për transferimin e Ronaldos

Presidenti i klubit të Arabisë Saudite, Al-Nassr, Musalli Al Muammar ka qeshur me sugjerimet që skuadra e tij është e gatshme të nënshkruaj me Cristiano Ronaldon.

Vende të ndryshme janë diskutuar si opsione për superyllin portugez që kur u njoftua se kontrata e tij fitimprurëse me Manchester United ishte ndërprerë dhe se pesë herë fituesi i Topit të Artë do të bëhej një lojtar i lirë.

Një ofertë e madhe nga Lindja e Mesme thuhet se i është paraqitur sulmuesit 37-vjeçar, por Al Muammar heziton të konfirmoj thashethemet që pretendojnë se ai është gati të rrëmbejë njërin nga lojtarët më të mirë të të gjitha kohërave.

“Kush është Ronaldo? Unë nuk e njoh atë”, është kapur Al Muammar duke thënë në një video të kapur nga Ali Al-Enezi kur u pyet nëse një marrëveshje me portugezin është afër përfundimit:

“Ronaldo është i zënë me Kupën e Botës dhe nuk mendoj se ai është në negociata me dikë”, ka thënë presidenti i Al-Nassr për SSC Sports Channel kur u pyet për të njëjtën temë.

Al Nassr President Mussali Al Muammar has denied signing Cristiano Ronaldo.. pic.twitter.com/i8SGGmTGsR

— FOOTBALLFANSSTUFF (@officialffsnews) December 15, 2022

Përfshirja e Ronaldos në Kupën e Botës “Katar 2022” në fakt përfundoi kur Portugalia pësoi një disfatë befasuese ndaj Marokut në çerekfinale dhe ai ka kaluar kohë duke u stërvitur me ish-klubin Real Madrid që kur ai bëri më shumë tituj sa ishte në stol sesa në fushë.

Asnjë vendim për lëvizjen e radhës të Ronaldos nuk është marrë ende dhe ka shumë klube nga e gjithë bota që duan transferimin e yllit portugez. /Telegrafi/