Presidenti i Athletic Bilbaos ‘e godet’ Real Madridin për gjyqtarët: Carvajal i theu këmbën lojtarit tonë, humbëm miliona euro

Presidenti i Athletic Bilbaos, Jon Uriarte, ka kritikuar Real Madridin për letrën e tyre drejtuar RFEF. 

Real Madridi u ankua për një karton të kuq të pa dhënë ndaj një lojtari të Espanyol, në ndeshjen që mbretërit e humbën 1-0. 

“Do të filloj me dy anekdota. Ne luajtëm në Bernabeu dy sezone më parë, ishte xhiro e fundit e La Ligas dhe [Dani] Carvajal bëri një ndërhyrje të frikshme ndaj Yuri [Berchiche] dhe ia theu këmbën”.

“Ne e përfunduam ndeshjen me një lojtar më pak sepse nuk kishim më zëvendësime, por gjyqtari i dha Carvajal vetëm një të verdhë”. 

“Ne po luanim për kualifikimin evropian, barazuam 1-1 dhe humbëm garat evropiane. Ka lojëra specifike që na shqetësojnë të gjithëve”. 

“Anekdota tjetër është se kur takohemi në ngjarjet e Federatës, në momentet e relaksimit mes nesh, praktikisht të gjitha klubet kanë ndjenjën e dëmtimit [nga gjyqtarët]”.

“Gjykimi është një detyrë e komplikuar, niveli nuk ndalet së përmirësuari dhe po investohet shumë në të dhe duhet të bashkëpunojmë të gjithë së bashku”, deklaroi Uriarte. /Telegrafi/