Premier League: Ekipi i javës së 32-të

Fernando Torres ka kryesuar si lojtari më i mirë i javës në Premier League, falë dy golave që shënoi në fitoren 4-0 të Liverpoolit ndaj Blackburnit.

Eurosport ka marrë vlerësimet e pesë gazetave më në zë angleze, The Sun, The Mirror, The Mail, The Times dhe The Guardian, për të zgjedhur si gjithmonë 11-shen më të mirë të javës në Ligën Premier.

Portieri i Blackburnit, Paul Robinson, pavarësisht se pranoi katër gola, ai gjeti vend në 11-she falë disa mbrojtjeve tjera të shkëlqyeshme. Në sulm Torres kësaj jave është shoqëruar nga Didier Drogba.

Liverpool ka tre lojtarë në 11-shen e kësaj jave, me edhe mbrojtësin Daniel Agger dhe mesfushorin Javier Mascerano të përfshirë, derisa Chelsea është me dy lojtarë, pasi s’kishte si të mungonte Frank Lampard.

Ekipi më i mirë i javës:

Portier: Paul Robinson (Blackburn) – 37

Mbrojtës: Ledley King (Tottenham); Abdoulaye Faye (Stoke); Daniel Agger (Liverpool);

Mesfushorë: Theo Walcott (Arsenal); Gareth Barry (Aston Villa); Frank Lampard (Chelsea); Javier Mascherano (Liverpool); Steven Pienaar (Everton)

Sulmues: Fernando Torres (Liverpool); Didier Drogba (Chelsea)

Formacioni i javës, 3-5-2:

Robinson

Ledley King – Faye – Agger

Walcott – Barry – Lampard – Mascherano – Pienaar

Torres – Drogba