Lidhur me përshkallëzimin e fundit të dhunës në veri të Kosovës, politologu dhe profesori në Universitetin e Grazit, Florian Bieber, nuk pret përhapje të ndonjë konflikti, por, sipas tij, mund të ketë përsëritje të incidenteve të ngjashme me ato të 29 majit.
“Mendoj se duhet të kemi parasysh se probabiliteti që njësitë e ushtrisë serbe të kalojnë kufirin me Kosovën është jashtëzakonisht i ulët, duke pasur parasysh se operacioni paqeruajtës i KFOR-it është në fuqi në Kosovë nën mandatin ndërkombëtar dhe nën udhëheqjen e NATO-s”, shpjegoi Bieber për Deutsche Welle, duke iu përgjigjur pyetjes lidhur me shqetësimin se sa mund të përshkallëzohet më tej ky konflikt.
Sipas tij, ka më shumë gjasa që ky lloj konflikti që e pamë të hënën(29 maj) të përsëritet, nëse nuk ka de-eskalim mes qeverisë së Kosovës dhe Serbisë.
“Mendoj se ky është drejtimi në të cilin po lëviz ndikimi i akterëve ndërkombëtarë. Por kjo në vetvete është shumë destabilizuese si për Kosovën ashtu edhe për gjithë rajonin. Pra, nuk mendoj se do të shohim, një lloj konflikti në përmasa të plota. Por kjo që po ndodh tani tashmë ka pasoja për të dyja vendet”, deklaroi ai, transmeton Telegrafi.
I pyetur se pse shumica e serbëve të Kosovës bojkotuan zgjedhjet lokale të muajit të kaluar kur kjo do të thoshte se shqiptarët etnikë po merrnin kontrollin e komunave dhe nëse kjo do të thotë se ata hapën një gropë vetes, Bieber mendon se çështja është se atyre institucioneve dhe kryetarëve të zgjedhur vërtet u mungon legjitimiteti demokratik.
“Dalja në zgjedhje ishte dukshëm nën 10 për qind. Në disa raste, si në qytetin e Zveçanit, pjesëmarrja ishte rreth 3 për qind. Pra, rreth 100 njerëz votuan për kryetarin e atij qyteti. Megjithatë, serbët i bojkotuan zgjedhjet me urdhër të Beogradit. Ata insistuan që fillimisht të formohet Asociacioni i komunave me shumicë serbe – kjo është pjesë e marrëveshjes ndërmjet Serbisë dhe Kosovës. Dhe Kosova i çoi përpara ato zgjedhje, sepse që nga vjeshta, nga largimi i serbëve, nuk ka pasur pushtet lokal legjitim të zgjedhur. Pra, në këtë kuptim kemi një ngërç. Pak muaj më parë BE-ja vlerësoi marrëveshjen mes Serbisë dhe Kosovës. Por doli të ishte goxha e pamend, dhe kjo është ajo që po shohim në praktikë tani. Pra, në një farë mënyre BE-ja dhe SHBA-ja kanë humbur lidershipin në përpjekjen për të negociuar rrugën e duhur për përmirësimin e marrëdhënieve mes dy vendeve”, tha Bieber.
Sipas tij, serbët e Kosovës nuk luajnë ndonjë rol të madh në politikën e brendshme të Serbisë, sepse janë vetëm disa dhjetëra mijëra.
“Më shumë është e kundërta, që Serbia, dhe konkretisht presidenti Vuçiq, kanë kontroll të madh mbi komunitetin serb në Kosovë. Pra, përderisa shumë serbë të Kosovës ishin të frustruar nga hapat e qeverisë së Kosovës, bojkoti pothuajse i plotë i zgjedhjeve ishte edhe për shkak të frikës, sepse Lista Serbe në veri kontrollohet nga Beogradi, ka kontroll të fortë përmes nëntokës, nëntokës kriminale dhe strukturave të sigurisë. Prandaj, kjo do të thotë se presidenti i Serbisë, Aleksandar Vuçiq, ka kontroll të plotë në veri të Kosovës dhe u jep shumë pak hapësirë serbëve vendas që të artikulojnë problemet e tyre politike”, ka shpjeguar Bieber. /Telegrafi/
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Del rezultati përfundimtar në Gostivar, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert