Policia kërkon nga shoferët që nga data 15 nëntor t'i vendosin pajisjet dimërore në veturat e tyre

Policia e Kosovës ka kërkuar nga shoferët që t'i vendosin pajisjet dimërore në veturat e tyre.

Në njoftim thuhet se pajisjet dimërore duhet t'i kenë nga data 15 nëntor deri më 15 mars, transmeton Telegrafi.

"Apelojmë për të gjithë shoferët që të  fillojnë përgatitjen e mjetit dhe të jenë të kujdesshëm gjatë këtij sezoni dimëror", thuhet mes tjerash në njoftim.

Në vendin tonë, ka pasur rënie temperaturave këto ditë, ndërsa në disa vende ka pasur edhe reshje bore./Telegrafi/