Sulmi në Zubin Potok, Policia jep detaje

Policia e Kosovës ka dhënë detaje për sulmin në Zubin Potok, ku është djegur Qendra për Regjistrim të Automjeteve.

Sipas Policisë, patrullat e Policisë mbërritën menjëherë në vendngjarje e po ashtu edhe zjarrfikësit nga Zubin Potoku.

Lexo po ashtu Digjet Qendra e Regjistrimit të Automjeteve në Zubin Potok, dyshohet për mjet shpërthyes në Zveçan

“Sipas informacioneve të para, supozohet se zjarri ka përfshirë ambientet përdhese të ndërtesës dhe ekziston dyshimi se ka prekur ambientet e qendrës së Ministrisë së Brendshme të Kosovës dhe Bibliotekën e Shtëpisë së Kulturës”, shkruan fillimisht policia.

Lexo po ashtu Dy mjete shpërthyese në Qendrën e regjistrimit në Zveçan, Policia jep detajet 

Ajo më tutje ka bërë të ditur se zjarri është lokalizuar në orët e para të ditës së sotme gjersa është njoftuar edhe prokurori i kujdestar dhe hetimet po vazhdojnë.

“Zjarri u lokalizua rreth orës 02:00, dhe të gjitha njësitë përkatëse të Policisë së Kosovës ishin të pranishme në vend, si dhe Njësia Rajonale e Hetimit – Mitrovicë – Veri. Ne vend ngjarje doli Inspektori i Zjarrit (PPZ), per gjithçka që ndodhi  u njoftua edhe Prokurori kujdestar. Hetimet lidhur me rastin janë duke vazhduar”, thuhet tutje në njoftim.

Lexo po ashtu Sulmet në Zveçan e Zubin Potok, Kurti: Hetimet tregojnë se ishin të qëllimshme, qartazi ato po i nxitë e mbështetë Serbia

Theksojmë se për sulmet në Zveçan e Zubin Potok, kryeministri i Kosovës, Albin Kurti ka reaguar duke thënë se “Hetimet tregojnë se ishin të qëllimshme, qartazi ato po i nxitë e mbështetë Serbia. /Telegrafi/