Një person i moshës rreth 100-vjeçare dyshohet se ka bërë vetëvrasje me granatë të dorës të martën mbrëma në Klinë.

Reklama

Policia njofton se rreth orës 21:22 është raportuar se ka ndodhur një shpërthim në një shtëpi me ç’rast në vendin e ngjarjes kanë dalë njësitë relevante policore, ku në brendi kanë vërejtur një person pa shenja jete.

“Klinë 13.09.2022-21:22. Raportohet se ka ndodhur një shpërthim në një shtëpi me ç’rast në vendin e ngjarjes kanë dalë njësitë  relevante policore, ku në brendi kanë vërejtur një person pa shenja jete”, thuhet në raportin 24 orësh të policisë.

Vdekjen e viktimës bëhet e ditur se e ka konstatuar ekipi mjekësor.

Reklama

“Me vendim të prokurorit trupi i pajetë i viktimës dërgohet në IML për obduksion”, thuhet tutje.

Reklama

Ndryshe, Telegrafi ka kontaktuar edhe me zëdhënësin e Policisë së Kosovës për rajonin e Pejës, Fadil Gashi, i cili ka deklaruar se sipas raportit policor në vendngjarje, viktima është 93-vjeçar. /Telegrafi/