Autoritetet gjermane në shtetin perëndimor të North Rhine-Westfalia thanë të martën se kishin mbyllur një platformë të madhe të pornografisë së fëmijëve me qindra mijëra përdorues dhe arrestuan gjashtë të dyshuar.
Policia ka arrestuar gjashtë të dyshuar meshkuj, të moshës ndërmjet 43 dhe 69 vjeç, të cilët po hetohen për shpërndarje të pornografisë së fëmijëve, tha ministri i brendshëm i shtetit, Herbert Reul, shkruajnë mediat e huaja, përcjell Telegrafi.
Reul tha se fotografitë dhe skedarët video që tregonin abuzimin seksual të vajzave të mitura u shpërndanë në platformë.
Ai iu referua burrave të arrestuar si "organizatorët kryesorë" pas platformës.
Goditja pasoi kërkimet që u zhvilluan në gjashtë shtete në shtator, tha Reul.
Në total u sekuestruan 1517 artikuj si laptopë dhe celularë – si dhe videokaseta.
Ndërsa sasia e saktë e të dhënave që lidhen drejtpërdrejt me hetimin nuk mund të vlerësohet aktualisht, Reul tha se vëllimi i të dhënave që do të vlerësohet nga kompjuteri i një të dyshuari të vetëm është 13.5 terabajt, që korrespondon me rreth 3.4 milionë foto. /Telegrafi/
