Policia australiane blenë vetura elektrike BMW iX

Patrulla e autostradës së policisë të New South Wales, Austreali ka pranuar dërgesën e veturës së saj të parë elektrike – një BMW iX SUV. Dhe teksa vetura duket se i ka marrë “gradat”, ajo nuk është ende në linjë si një mjet patrullimi plotësisht funksional.

Fotot e shpërndara në rrjetet sociale, shfaqin BMW iX të veshur me shenja patrullimi të autostradës së policisë të New South Wales dhe një shirit drite me ngjyrat blu dhe të kuqe.

Por shifra në anësoret e përparme – HWP 150 – zbulon se SUV-ja elektrike për momentin është ose një automjet i angazhimit në komuniteti ose mjet vlerësimi, përcjell Telegrafi.

Vetura të tjera që mbanin të njëjtën shifër ose një shenjë të ngjashme në vitet e mëparshme përfshijnë Ford Mustang V8 – i cili ishte përjashtuar për punë patrullimi në autostradë sepse Ford, në atë kohë, kishte një sensor mbinxehjeje të tepërt në transmision – dhe sedanin Chrysler 300C SRT V8, i cili përfundoi duke fituar “gradat” e tij dhe u vendos si një veturë patrullimi i autostradës së policisë së New South Wales.

Një Holden Special Vehicles GTS dhe një Ford Falcon GT ishin automjete të tjera që mbanin shenjën HWP150 ose shifra të tjera të ngjashme.

Automjete të tilla zakonisht nuk janë të pajisura me njësi radari dhe terminale të të dhënave të policisë, megjithatë oficerët pas timonit të BMW iX ende mund të lëshojnë gjoba për shumicën e kundërvajtjeve në trafik.

BMW iX është vetura e parë elektrike që i bashkohet flotës së patrullës së autostradës së policisë të New South Wales, megjithëse Drive raporton se është konsideruar edhe blerja e veturave të tjera elektrike si Kia EV6. /Telegrafi/