Sytë e SHBA-së dhe botës ishin të drejtuar në një gjykatë në Minnesota, gjegjësisht në gjyqin ndaj policit, Derek Chauvin, i cili u gjykua për vrasjen e George Floyd në maj të vitit 2020.
Ish-oficeri i policisë u gjunjëzua në qafën e afrikano-amerikanit për më shumë se nëntë minuta gjatë një arrestimi në qytetin e Minneapolisit, duke injoruar lutjet që nuk mund të merrte frymë. Floyd u shpall i vdekur një orë më vonë.
Të martën, një juri e shpalli Chauvin fajtor për vrasje të shkallës së dytë, vrasje të shkallës së tretë dhe vrasje pa paramendim pas një gjykimi tre-javor, raporton bbc.
Tani shtrohet pyetja: Çfarë do të ndodh më pas?
Do të kalojnë edhe tetë javë para se Gjykatësi i Qarkut Hennepin, Peter Cahill të dënojë përfundimisht Chauvinin, duke shfrytëzuar kohën e duhur për të shqyrtuar opsionet.
Sipas udhëzimeve të Minnesotës, dënimi minimal është 12.5 vjet për akuzën më të rëndë, sipas agjencisë së lajmeve reuters.
Sidoqoftë, të gjitha akuzat – që të gjitha kërkojnë që veprimet e Chauvinit të kenë çuar në vdekjen e Floydt, por interpretojnë qëllimet e ndryshe – kanë dënime maksimale të ndryshme, transmeton Telegrafi.
Akuza më e rëndë, vrasja e shkallës së dytë – e cila vlen nëse kryeni një sulm serioz, i cili luajti një rol thelbësor në shkaktimin e një vdekjeje të paqëllimshme – mbart një dënim maksimal prej 40 vjetësh.
Vrasja e shkallës së tretë – e përcaktuar si shpërfillje ndaj jetës njerëzore ndërsa kishte “mendje të shthurur” duke bërë diçka që konsiderohet “jashtëzakonisht e rrezikshme” për një person tjetër që rezulton në vdekjen e tij – mbart një dënim maksimal prej 25 vjetësh.
Vrasje pa paramendim – e përcaktuar si veprimi nga pakujdesia, krijimi i rrezikut të paarsyeshëm dhe shkaktim i rrethanave për të vrarë ose dëmtuar një person tjetër – ka një dënim maksimal prej 10 vjetësh, ose gjobë prej 20 mijë dollarësh.
Prokurorët po kërkojnë më shumë se dënimi minimal, duke argumentuar se kishte rrethana rënduese – përfshirë arrestimin që po ndodhte para një fëmije nëntë vjeçar.
Është e paqartë nëse gjyqtari ka të ngjarë të shqiptojë dënime të njëkohshme (të mbajtura në të njëjtën kohë) apo të njëpasnjëshme (të vuajtura njëra pas tjetrës) për secilën pikë.
Dënimet në të njëjtën kohë do të arrinin të paktën 12.5 vjet, ndërsa dënimet e njëpasnjëshme mund të nënkuptojnë 75 vjet pas hekurave, megjithëse lirimi me kusht zakonisht jepet pasi t’i vuan prapa grilave dy të tretat e dënimit.
Ku është tani Chauvin?
Chauvin ishte duke gjykuar në liri, por kjo u revokua kur u shpall fajtor. Ai aktualisht po mbahet në Institucionin Korrektues të Minesotës – Oak Park Heights, thanë zyrtarët për mediat.
Ekipi mbrojtës i Chauvinit nuk ka komentuar ende mbi vendimin, por pritet të apelojë, transmeton Telegrafi.
Disa ekspertë kanë argumentuar se niveli i lartë i mbulimit nga media, si dhe një zgjidhje prej 27 milionë dollarësh e dhënë nga qyteti i Minneapolisit për familjen e Floydt pak para fillimit të gjyqit, mund t’i japin atij një bazë për një apel. Avokati i mbrojtjes, Mark Geragos e përshkroi rezultatin si një “përfundim të paracaktuar”.
Komentet e bëra nga Kongresistja demokrate, Maxine Waters të shtunën – duke i nxitur njerëzit të “qëndronin në rrugë” gjersa vazhdonte gjykimi i Chauvinit – u kritikua gjithashtu ashpër nga Gjykatësi Cahill. Ai shkoi aq larg sa që pohoi se mund t’i kishin dhënë mbrojtjes “diçka në apel që mund të rezultojë në përmbysjen e këtij gjyqi”.
Po çfarë do t do të ndodh me policët e tjerë?
Tre policët e tjerë ishin të përfshirë në arrestimin e Floydt. Tou Thao, J Alexander Kueng dhe Thomas Lane po përballen të gjithë me gjyq, të akuzuar për ndihmë në vrasjen e shkallës së dytë dhe ndihmë në vrasjen e rëndë.
Ish-policët, të cilët u pushuan nga puna, aktualisht janë kanë liri të kufizuar. Gjyqi i tyre është caktuar për 23 gusht të këtij viti.
Nëse shpallen fajtorë, ata mund të përballen me 40 vjet burgim prapa grilave. /Telegrafi/
Lufta Prigozhin - Putin
Më shumëNga Rubrika
Rusia nuk ka ‘interes’ të sulmojë shtetet e NATO-s, thotë kreu i ushtrisë së Putinit
Zbulohen detaje dhe pamje të vjedhjes nga grupi kriminal serb “Pink Panther” në një argjendari në Greqi – bie në sy një detaj
Dubai raporton një “sëmundje misterioze” të lidhur me përmbytjet e rënda që goditën rajonin
Komiteti parlamentar zviceran mbështet planin e ndihmës prej 5.5 miliardë dollarësh për Ukrainën
Trump 2.0: Si po përgatiten aleatët e SHBA-së për një rikthim të tij në Shtëpinë e Bardhë?
Pak para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Mbretëria e Bashkuar do ta furnizojë Ukrainën me bomba me laser që mund të godasin "objektivat e buta" ruse
SHBA po përgatit një paketë të re ndihme ushtarake prej 6 miliardë dollarësh për Ukrainën
Aeroplani gjigant u “përplas” dy herë në pistën e aeroportit të Kalifornisë – rrotat nxirrnin tym – pastaj u ngrit përsëri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre