Po përfundon misioni i helikopterit Ingenuity në Mars, por NASA ka edhe një punë me fluturaken

Zyrtarisht po përfundon misioni i helikopterit Ingenuity në Mars, por paraprakisht shkencëtarët e agjencisë amerikane të hapësirës NASA do të përpiqen të vlerësojnë dëmet që pësoi gjatë rënies.

NASA ka pasur një transmetim të drejtpërdrejtë gjatë të cilit i bëri homazhe helikopterit Ingenuity, i cili pësoi dëmtime gjatë fluturimit ë fundit. Agjencia zbuloi se të katër helikat u dëmtuan gjatë uljes së ashpër të Ingenuity në sipërfaqen e planetit Crene.

Menaxheri i projektit Teddy Tzanetos tha se NASA dhe laboratori i saj i “Propulsionit Jet” ende nuk janë të sigurt se çfarë e shkaktoi dëmtimin e helikës së helikopterit, pra nëse ka pasur një rënie të energjisë gjatë uljes dhe kontakt të padëshiruar me tokën apo ai aksidentalisht ka goditur tokën.

Megjithatë, synimi është që helikat e helikopterit të lëvizin dhe ngadalë të rrotullohen, pra të ndryshohet këndi i tyre, në mënyrë që të regjistrohet një video dhe në bazë të kësaj të bëhet vlerësimi i dëmit.

Fatkeqësisht, çfarëdo që shkencëtarët zbulojnë, Tzanetos konfirmoi se anija kozmike ka përfunduar përfundimisht fluturimin e saj përfundimtar dhe së shpejti do të përfundojë misionin e saj.

“Helikopterët si ky nuk janë të dizajnuar për të fluturuar edhe me pak paqëndrueshmëri, kështu që ne do ta përfundojmë misionin në javët e ardhshme,” tha Tzanetos.

Ingenuity ka dëshmuar të jetë një shoqërues i vlefshëm për roverin Perseverance pasi dyshja kanë eksploruar Marsin që nga zbarkimi në sipërfaqen e Planetit të Kuq më 18 shkurt të vitit 2021. Helikopteri ishte projektuar për të realizuar vetëm pesë fluturime, por ai regjistroi gjithsej 72.

Ndryshe, Ingenuity përfundimisht tejkaloi të gjitha pritjet e NASA-s, veçanërisht për faktin se ishte bërë nga komponentë të telefonave celularë të zakonshëm dhe mbi të gjitha, u bë anija e parë kozmike e krijuar nga njeriu që fluturoi në një planet tjetër.

NASA tashmë synon të përdorë helikopterë në planetë të tjerë ose trupa qiellorë, të cilët do të bazohen në atë që agjencia ka mësuar falë Ingenuityt. /Telegrafi/