Po investojnë miliarda euro në futboll, por nuk investojnë në gjërat esenciale – tifozët të shokuar se ku duhej të zhvishej Ronaldo

Tifozët e futbollit ishin të shokuar kur panë vendin se ku duhej të bëhet gati Cristiano Ronaldo për ndeshjen e Al-Nassr.

Portugezi e udhëhoqi skuadrën e tij drejt një fitoreje 5-0 si mysafir kundër Al-Fateh mbrëmë (25 gusht), duke shënuar një het-trik dhe gjithashtu duke ofruar një asistim të mrekullueshëm me thembër për një nga dy golat e Sadio Manes.

Fateh nuk janë aq të mbështetur financiarisht sa shumë nga konkurrentët e tyre në Ligën Pro Saudite, duke përfshirë katër që janë në pronësi të Fondit të Investimeve Publike – Al Nassr, Al Hilal, Al Ahli dhe Al Ittihad.

Lexo po ashtu Cristiano Ronaldo shfryhet ndaj Al Fateh, nuk ia lë keq as Sadio Mane

Dhe kjo u tregua në dhomën e tyre të zhveshjes, e cila ishte vetëm një dhomë bosh e mbushur me karrige standarde, ku ishte vendosur fanella e Ronaldos dhe bashkëlojtarëve të tij.

Duke reaguar ndaj një klipi të postuar në rrjetet sociale, një fans bëri shaka: “Mendova se liga saudite ishte e pasur”. Një tjetër pyeti: “Në Saudi??? Kjo nuk mund të jetë e drejtë”.

“Ronaldo po ndërrohet në një sallë konferencash atje”, komentoi një i tretë, ndërsa i katërti shkroi: “Shpenzoni miliona për lojtarët dhe rrogat, por nuk mund të bëjë të njëjtën gjë për diçka aq të thjeshtë sa dhoma e zhveshjes”.

Kjo ishte fitorja e parë e sezonit për Al Nassr në ligë, pasi humbi dy ndeshjet e tyre fillestare jashtë në Al-Ettifaq të Steven Gerrard dhe në shtëpi me Al-Taawon – ishin me disfatë. /Telegrafi/