Pique vërshohet nga pyetje e gazetarëve, por qëndron prapa fjalëve që i tha më herët rreth Katalunisë

Gerard Pique është rrugës për tu bashkuar me kombëtaren e Spanjës, pasi është ftuar nga trajneri Julen Lopetegui për dy ndeshjet e ardhshme kualifikuese për botërorin “Rusia 2018”.  

Mbrojtësi i Barcelonës ka marr rrugën e tij për në Madrid për tu bashkuar me kombëtaren spanjolle për ndeshjet ndaj Shqipërisë dhe Izraelit.

Megjithatë, ai është vërshuar nga gazetarët dhe pyetjet e tyre në aeroportin e Barcelonës, para se të nisej për në kryeqytetin spanjoll.

Lexo po ashtu Pique i gatshëm të largohet nga Përfaqësuesja e Spanjës: Ndihem katalunas më shumë se kurrë

Pique i zënë në një situatë të vështirë nga pyetjet e shumta, ka refuzuar të flas, duke thënë se s’ka çfarë të shtoj më.

“E kam thënë dje atë çfarë kam pasur për ta thënë”, ishin fjalët e vetme të mbrojtësit katalunas të Barcelonës, përcjell Telegrafi.

Ndryshe, dje (e diel) krahina e Katalunisë ka votuar në referendum për pavarësim nga Spanja, por votuesit kanë hasur në sjelle brutale nga policët spanjollë, ku pa pasur edhe shumë të lënduar.

Lexo po ashtu Formacioni i mundshëm i Spanjës dhe Katalunisë, kush do të fitonte? (Foto/Sondazh)

“Jam dhe ndihem katalunas dhe sot jam krenar për popullin e Katalunisë. Ne nuk jemi minoritet, atje janë milionë nga ne. Nuk jemi të këqij dhe vetëm duam të votojmë”.

“Ndihem katalunas sot më shumë së kurrë”, ka shtuar dje (e diel) Pique. /Telegrafi/