Pippo Inzaghi zgjedh trajnerët dhe sulmuesin më të mirë të vitit 2020 në Serie A

Filippo Inzaghi ka thënë se vëllai i tij Simone dhe Stefano Pioli janë trajnerët më të mirë të vitit 2020 ndërsa Ciro Immobile është sulmuesi më i mirë në futbollin italian italian.

Trajneri i Beneventos ka rishikuar vitin 2020 në futbollin italian në një intervistë me mediumin Sky Sport.

“Ka qenë një vit i paharrueshëm. Të paktën në fushë, për pjesën tjetër ka qenë e tmerrshme”, ka thënë fillimisht ish-sulmuesi i Milanit.

Benevento u promovua në Serie A në sezonin e fundit dhe janë tani në vendin e 10-të në tabelën e Serie A.

“Unë mendoj se Stefano Pioli dhe Simone Inzaghi meritojnë njohjen më të madhe”.

“Milani vazhdon të fitojë pavarësisht se ka shumë lojtarë jashtë fushe. Do të thotë se ata kanë vetëbesim. Një lojë kundër tyre nuk mund të jetë diçka normale për mua, do të jemi kundërshtarë për 90 minuta, por dashuria do të vazhdojë përgjithmonë”.

Inzaghi nuk ka dyshime se kush ishte sulmuesi më i mirë i vitit 2020.

“Mendoj se Ciro Immobile ishte më i miri. Zlatan Ibrahimovic është një shembull i shkëlqyeshëm i forcës dhe mentalitetit, ai tregon se si duhet të bëhen gjërat. Jam i lumtur për të, ne e njohim njëri-tjetrin, isha i sigurt se do të kishte bërë mirë”, përfundoi italiani. /Telegrafi/