Pioli: I lumtur te Interi, drejtoj një grup të madh futbollistësh

Stefano Pioli insiston se asnjë lojtar i Interit nuk e ka zhgënjyer atë deri më tani dhe se ndihet i lumtur që është trajner i një grup të madh.

Nerazzurrët pritej të sfidonin Scudetton këtë sezon, por tashmë janë 14 pikë larg kryesuesit të Serie A dhe Frank de Boer u shkarkua si trajner i skuadrës.

Lexo po ashtu Formacionet e mundshme: Sassuolo – Inter, a do të eksperimentojë Pioli?

“Jam i lumtur që jam trajner i një grup të madh dhe unë pres shumë nga të gjithë”, ka thënë Pioli në konferencën e tij për shtyp përpara ndeshjes të së dielës ndaj Sassuolos.

“Nëse ne fillojmë të flasim për lojtarë të veçantë, atëherë ne do të fokusohemi në individët dhe jo qëllimet e ekipit”, përcjell Telegrafi.

“Ivan Perisic? Pres shumë nga Perisic, sepse ai ka potencial të madh dhe se është e drejtë të presim më të mirën nga ai. Unë vë bast shumë për të, ashtu si për të tjerët. Pastaj unë kam për të bërë zgjedhje të bazuara në atë që unë shoh gjatë javës”.

Lexo po ashtu Pioli: Duhet të jemi më efikas

“Ever Banega? Ai është një profesionist serioz, ne jemi duke u përpjekur për të gjetur zgjidhjet më të mira së bashku”, përfundoi trajneri italian. /Telegrafi/