Pink dhuron një milion dollarë donacion pasi ajo dhe djali i saj tre vjeçar rezultuan pozitiv me coronavirus

Pink ka zbuluar se ajo dhe djali i saj tre vjeçar Jameson kanë rezultuar pozitiv me coronavirus.

Këngëtarja 40-vjeçare – emri i vërtetë i së cilës është Alecia Beth Moore , e bëri të ditur këtë përmes Instagramit, duke publikuar një fotografi me djalin e saj trevjeçar, teksa në mbishkrimin e saj tregoi diagnozën përpara se të kritikonte Qeverinë Amerikane për mungesën e testeve.

Ajo filloi duke shkruar: “Dy javë më parë djali im tre vjeçar, Jameson, dhe unë po shfaqnim simptoma të COVID-19”, shkruan DailyMail.

https://www.instagram.com/p/B-il39tJ57d/

“Për fat të mirë, mjeku ynë i kujdesit parësor kishte qasje në teste dhe unë u testova dhe rezultova pozitive. Familja ime tashmë ishte strehuar në shtëpi dhe ne vazhduam ta bënim këtë për dy javët e fundit pas udhëzimit të mjekut tonë. Vetëm disa ditë më parë ne u revituam dhe tani jemi fatmirësisht negativ”, shkroi ajo.

Përkundër lajmeve inkurajuese, Pink u sigurua të përdorë platformën e saj për të kritikuar qeverinë e ShBA-së për mungesën e testeve për coronavirusin.

Ajo vazhdoi: “Është një përpjekje absolute dhe dështim i qeverisë sonë për të mos bërë testime më të arritshme”.

“Kjo sëmundje është serioze dhe e vërtetë. Njerëzit duhet të dinë se sëmundja prek të rinjtë dhe të moshuarit, të shëndetshëm dhe jo të shëndetshëm, të pasur dhe të varfër, dhe ne duhet të bëjmë testimin falas dhe më të arritshëm për të mbrojtur fëmijët tanë, familjet tona, miqtë tanë dhe komunitetet tona”, ka shkruar tutje këngëtarja.

Lexo po ashtu "Contagion" VS Coronavirusi - Sa ka të bëjë me aktualitetin tonë filmi i famshëm që parashikoi virusin?

Pink vendosi t’i merrte gjërat në duart e saj pasi premtoi një dhurim shumë bujar në shumë prej një milion dollarësh për shkaqe mjekësore të përqendruara rreth COVID-19 me një përkushtim të ëmbël për nënën e saj Judy Moore e cila ishte një infermiere e dhomës së urgjencës.

Ajo shkroi: “Në përpjekje për të mbështetur profesionistët e kujdesit shëndetësor që po luftojnë në vijat e frontit çdo ditë, unë po dhuroj 500,000 dollarë në fondin e urgjencës së Spitalit Universitar Temple në Filadelfia për nder të nënës time, Judy Moore, e cila punoi atje për 18 vjet në Qendrën e Kardiomiopatisë dhe Transplantit të Zemrës”.

“Për më tepër, unë po dhuroj edhe 500,000 dollarë për fondin e urgjencës së kryetarit të bashkisë së Los Angelesit. Faleminderit për të gjithë profesionistët tanë të kujdesit shëndetësor dhe të gjithë në botë që po punojnë kaq shumë për të mbrojtur të dashurit tanë. Ju jeni heronjtë tanë! Këto dy javë të tjera janë thelbësore: ju lutemi qëndroni në shtëpi”, shkroi Pink.

Pink është e martuar garuesin e famshëm të garave me motoçikletë, Carey Hart. Ata kanë gjithashtu edhe një vajzë tetë vjeçare të quajtur Willow. /Telegrafi/