Pinguinët bëjnë një vizitë në një shtëpi të kujdesit në Angli, përpara vendosjes së rregullave të reja për vizitorët

Njerëzit në një shtëpi kujdesi në Oxfordshire të Anglisë mirëpritën dy vizitorë të papritur javën e kaluar.

Dhe ata sigurisht që këtë moment e shfrytëzuan për të bërë edhe disa fotografi, të cilat do të jenë pjesë e kartolinave të tyre të Krishtlindjeve, përcjell Telegrafi.

Bëhet fjalë për një moment kur dy pinguinë filluan shëtisnin nëpër sallën e Spencer Court duke “përshëndetur” banorët.

Ata arritën atje në kohën e duhur, pasi Sekretari i Shëndetësisë i Britanisë së Madhe njoftoi se njerëzit në shtëpitë e kujdesit së shpejti do të përballen me kufizime të reja për vizitorët për të ngadalësuar përhapjen e variantit Omicron.

Nëse rregullat e reja kalojnë në Commons, siç pritet, atëherë banorët do të mund të kenë vetëm tre vizitorë të nominuar që nga e mërkura.

Sidoqoftë, aty – në ligjin e ri – nuk pritet të përmendet ndonjë përjashtim për pinguinët.

Ndryshe, dy zogjtë ujorë jetojnë në kopshtin zoologjik Heythrop dhe janë mësuar të vizitojnë shtëpi të ndryshme kujdesi në Angli si një formë terapie. /Telegrafi/