LAJMI I FUNDIT:

Pesë lëvizje të vetëmbrojtjes që çdo vajzë duhet t’i dijë (Video)

Pesë lëvizje të vetëmbrojtjes që çdo vajzë duhet t’i dijë (Video)

Është fakt depresues por i vërtetë se shumë vajza e gra ndihen të frikësuara të ecin lirshëm në rrugë gjatë natës.

Normalisht edhe disa meshkuj mund të jenë të frikësuar gjatë natës, sepse keqdashësit i sulmojnë edhe ata, por vajzat e gratë janë më të prira të jenë të sulmuarat dhe të ngacmuarat gjatë natës, transmeton Telegrafi.

Vërtet se duhet të bëhet më shumë në të gjithë botën për t’i zvogëluar sulmet e tilla – qofshin ato sulme seksuale apo grabitje – dhe deri të vjen ajo ditë ku femrat do të ndihen të sigurta të ecin lirshëm, është gjë e mençur që t’i mësoni disa lëvizje të vetëmbrojtjes.

Një nga artistet më të mira britanike të arteve të përziera marciale, Helen ‘Hellraiser’ Harper, e cila ka specializuar në Jui Jitsu, beson se të gjitha femrat duhet të dinë më shumë lëvizje të vetëmbrojtjes sepse jo vetëm që ato u sjellin siguri, por edhe vetëbesim.

Një nga format më praktike dhe efektive të vetëmbrojtjes konsiderohet Krav Maga – që teknikisht nuk është art marcial, por sistem taktik i mbrojtjes.

Krav Maga përkthehet në “betejë të pa armatosur” dhe është dizajnuar të mësohet shumë shpejt.

Lëvizjet e Krav Maga-s janë të thjeshta dhe mësohen në mënyrë të përsëritshme me qëllim që ta ndryshojnë memorien e muskujve, dhe nuk merr vite kohë.

Në videon e mëposhtme mund t’i shihni këto lëvizje të vetëmbrojtjes, dhe me pak praktikë ato mund t’i perfeksiononi brenda një kohe të shkurtë. /Telegrafi/