Me qëllim të zhvillimit të turizmit, sot është përuruar projekti për elektrifikimin dhe ndriçimin e fshatit Kabash të Prizrenit.
Ky fshat u tha se ka bukuri të jashtëzakonshme natyrore, e nga sot me investimin mbi 200 mijë euro do të zhvillohet edhe turizmi në këtë zonë.
Projekti për elektrifikimin dhe ndriçimin e fshatit Kabash është bashkëfinancim i Komunës së Prizrenit, Ministrisë së Administrimit të Pushtetit Lokal dhe KEDS-it.
Në përurim të këtij projekti mori pjesë edhe kryeministri i Kosovës, Albin Kurti, i cili tha se me këte investim po i kthejnë borxhin këtij fshati që ka dhënë shumë për Kosovën.
“Kësaj natyre kaq të bukur po i bashkëngjitet edhe elektrifikimi edhe ndriçimi. Ne e dimë që zona e Kabashit ka potencial të madh zhvillimor, por i ka munguar ajo që po e përurojmë sot, pra drita dhe energjia. Kabashi i ka dhënë shumë dritë e energji jo veç Prizrenit po mbarë popullit tonë e Kosovës me personalitete të shquara historike si Rrustë Kabashi e Sali Shabani, prandaj ajo çfarë po bëjmë ne sot është një kthim i vogël i borxhit të madh që e kemi për rajonin e juaj. Ju na keni dhënë në histori e energji e dritë, ne po e kthejmë me elektrifikim e ndriçim”, tha Kurti.
Kryetari i Komunës së Prizrenit, Mytaher Haskuka, tha se elektrifikimi dhe ndriçimi i fshatit Kabash është bërë në bashkëfinancim dhe përmes këtij projekti synohet të promovohen bukuritë natyrore të kësaj zone.
I pari i Prizrenit tha se pas këtyre dy investimeve, beson shumë se brenda një kohe të shkurtër do të ndodh edhe rregullimi i rrugës që shpie në këtë fshat.
“Projekt i bashkëfinancuar nga Komuna, Ministria e Administrimit të Pushtetit Lokal dhe KEDS, më shumë se 200 mijë euro, diku rreth 10 kilometra dhe transformatorë të rrymës elektrike. Me këtë faktikisht e kemi elektrifikimin e kësaj zone të bukur e cila premton zhvillimin e turizmit. Shumë thonë që pas Prevallës ndoshta do të jetë vendi i cili do të ketë më së shumti zhvillim në aspektin e turizmit. Bukuritë natyrore të Kabashit janë të veçanta, por pos bukurive natyrore Kabashi edhe e ka aspektin e historisë, e kemi kalanë. kjo tregon që me vullnet kryen të gjitha punët edhe për një zonë kaq të largët në aspektin e rrugës. E kemi rrymën edhe ndriçimin, tani shpresoj se tash do të bëhen edhe investime në turizëm, ngase Prizreni si qytet i turizmit dhe qytet i historisë, pjesë e historisë është edhe Kabashi. Këtu e kemi edhe shkollën e vjetër ku ka qenë edhe shtabi i UÇK-së”, tha ai.
Ndërsa, drejtori Ekzekutiv për rrjetin në KEDS, Alpin Dogan, tha se si kompani kanë investuar mbi 100 mijë euro për të finalizuar këtë projekt.
“Dy vite më parë ishim të ftuar për të diskutuar në lidhje me këtë bashkëpunim, për fillim duke e shikuar kërkesën nuk ishte e lehtë, por sot ne finalizuam dhe jemi shumë të kënaqur ta gëzoni edhe ju. Si KEDS këtu ishte një investim mbi 100 mijë euro për të finalizuar 10 km linjë dhe shpresojmë që edhe në vazhdimësi të bashkëpunimit për tension të ulët të vazhdojë”, tha ai.
Kryeministri Kurti gjatë ditës ka marrë pjesë edhe në përurimin e çerdhes së parë publike në Prizren dhe ka vizituar zonën ekonomike.
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'