Personi që ngriti flamurin shqiptar në Kodrën e Diellit: Nuk e kam hequr flamurin e Kishës Ortodokse, nuk kam pasur qëllim të nxis urrejtje fetare

Jeton Abdullahi, personi i cili vendosi flamurin shqiptar afër kryqit në Kodrën e Diellit, ka reaguar në rrjetet sociale në lidhje me ngjarjet e fundit dhe reagimin nga Stojançe Angellov.

Jeton Abdullahi u kërkon falje besimtarëve ortodoks nëse të njëjtët janë ndjerë të fyer nga ajo që është shkruar ditëve të fundit. Abdullahi thotë se nuk e ka hequr flamurin e Kishës Ortodokse, por vetëm e ka ngritur atë shqiptar. Ai shkruan se kjo mund të vërtetohet shumë lehtë, duke shikuar kamerat e sigurisë.

Lexo po ashtu Angellov: Është larguar flamuri shqiptar afër kryqit në Kodrën e Diellit, do të vendoset ai Kishës Ortodokse

“Unë Jeton Abdullahi e ndjej si përgjegjësi morale që të shkruaj një kërkim falje adresuar deri tek Besimtarët Ortodoks dhe Kishës Ortodokse në Kodrën e Diellit. Që unë e pranoj se e kam Ngritur Flamurin e Kombit tim Shqipëtar por nuk e pranoj se kam hequr Flamurin e Kishës Ortodokse. Unë nuk kam pasur për qëllim që të bëj nxitje për urrejtje Fetare sepse para disa ditëve e pashë një foto nëpër rjetet sociale se është dëmtuar Flamuri Kombëtar i Shqipëtarëve dhe kështu vendosa ta zëvendësoj atë me një Flamurë të ri”.

“Sa i përket Stojançe Angelov që mundohet ta politizoj këtë çështje për poena politke dhe të bëjë nxitje ndëretnike dhe Fetare dhe që deklaroj sonte në emisionin tek Kanal5 se unë kinse e kam ulur Flamurin e Kishës (ku vetë gazetarja e pyeti përse nuk e uli Flamurin e Maqeonisë por atë të Kishës dhe Angelov u përgjigj nuk e di). Dhe tash unë i përgjigjem atij dhe të gjithë Besimtarëve Ortodoks me fakte me foton e atij që me datën 18.11.2023 e ka postuar në Facebook një selfie ku shihet qartë se nuk ka pasur asnjë Flamur në shtizë ku unë e kam vendosur Flamurin Kombëtar. Kjo mund të faktohet shum thjeshtë me kamerat e sigurisë që janë të vendosura në objektin e Kishës. Nën Flamur kemi lindur Nën Flamur do vdesim””, (sic) ka shkruar Jeton Abdullahu.

Lexo po ashtu Vendosja e flamurit shqiptar afër kryqit në Kodër të Diellit, Policia e Maqedonisë merr në pyetje edhe një person tjetër

Ndryshe, Jeton Abdullahu së bashku me një person tjetër kanë përfunduar në polici për shkak të ngritjes së flamurit shqiptar në Kodrën e Diellit./Telegrafi/