Persona të panjohur çojnë pa shenja jete një 20 vjeçare në spitalin e Ferizajt dhe ikin nga vendi i ngjarjes

Një 20 vjeçare është dërguar pa shenja jete në Qendrën Emergjente në Ferizaj.

Rastin e ka konfirmuar policia në rajonin e Ferizajt.

Zëdhënës i policisë Kanun Veseli ka thënë se viktima është dërguar nga persona të panjohur në spital të cilët kanë ikur nga vendi i ngjarjes.

Vdekjen e viktimës e kanë konstatuar mjekët në spital.

“Kemi pranuar informatën reth orës 15:00 se një vajzë rreth moshës 20 vjeçare është dërguar pa shenja jete në Qendrën Emergjente. Vdekjen e viktimës e kanë konstatuar mjekët. Viktimën e kanë sjell disa persona. Nuk dihet numri i saktë. Nuk dihet nëse viktima ka pasur shenja jete derisa ka arritur në spital. Por, vdekjen e kanë konstatuar mjekët në Qendrën Emergjente”, ka deklaruar Veseli.

Ai tutje ka thënë se Policia ka dalë në vendin e ngjarjes dhe po i zhvillon hetimet për rastin në fjalë.

“Policia është duke i grumbulluar informacionet, hetuesit më të lartë të hetimneve janë dalur në vendin e ngjarjes, janë duke parë gjithçka që çon në zbardhjen e këtij rasti, policia është duke punuar intensivisht”, theksoi ai./Telegrafi.