“Përse nuk e ndal gojën”, Linda Hakaj tregon se ka qenë e bullizuar para se të humbte 60 kilogramë

Këngëtarja e njohur shqiptare, Linda Hakaj, ka pësuar një ndryshim të madh në dukje.

Artistja ka humbur plot 60 kilogramë, ndërsa është përballur me reagime të ndryshme e më së shumti negative nga ndjekësit që mban në rrjete sociale.

E ftuar në emisionin “Libero” në ATV, ajo ka treguar se është bullizuar shumë herë sidomos pas humbjes së madhe të peshës.

“Faleminderit për pyetjen. Bravo. Shumë herë, bile së fundmi para një viti dy. Kjo puna e bullizmit shumë më vret sepse kemi fëmijë. Unë mendoj që asnjë fëmijë nuk duhet të jetë i bullizuar. Unë tashmë jam e rritur dhe nëse unë ndihem mirë nuk më pengon mendimi i tjetrit. Por, kisha pasur qejf me qenë pjesë e ndonjë kampanje e vetëdijësimit të njerëzit tanë, e sidomos femrave. Po e ceki femrave se gjithë ato mesazhe që kam marrë për shkak të punës së peshës. Kur kam qenë e plotë, a përse nuk po e ndal gojën, je bërë kështu je bërë ashtu”, u shpreh Linda.

Lexo po ashtu Të gjitha lajmet nga Linda Hakaj

“Pasi u operova e jam kthyer në peshë normale, më kishin shkruar në privat i paske ik hoxhës prej tabuti. Më ka ardhur interesant, si një femër, si një nënë mundet që të bëj një pyetje kur duhet të mendojë se ai ka fëmijë të vetin dhe si ishte ndjerë nëse do i thoshin fëmijës së vet. Në qoftë se se dikush e merr një iniciativë të tillë, do kisha qenë e para për vetëdijësimin e gjithë njerëzve që sa më pak me pas bulizëm të paktën tek gjeneratat e reja”, vazhdoi më tej 39-vjeçarja.

Hakaj përndryshe prej vitesh është pjesë e estradës dhe gëzon fansa të shumtë. /Telegrafi/