LAJMI I FUNDIT:

Përplasjet Kurti-Haradinaj në Kuvend, debat i fortë mes Visar Ymerit dhe Imer Mushkolajt

Përplasjet Kurti-Haradinaj në Kuvend, debat i fortë mes Visar Ymerit dhe Imer Mushkolajt

Në seancën e 19 tetorit të Kuvendit të Kosovës, partitë opozitare kanë kritikuar Qeverinë e Kosovës për aksionet ne veri si dhe për çështjen e gazsjellësit.

Kryetari i Aleancës për Ardhmërinë e Kosovës (AAK), Ramush Haradinaj ka thënë se në veri të Mitrovicës nuk ka siguri.

Duke folur në Kuvend për dy aksionet e njësive speciale të Policisë së Kosovës lidhur me zbatimin e reciprocitetit për targat me Serbinë dhe për luftimin e kontrabandës, Haradinaj ka thënë se Kosova pas këtyre dy aksioneve është më e dobët në këtë pjesë të vendit.

Ndërsa kryeministri i Kosovës, Albin Kurti, tha se në veri të Ibrit ka më shumë rend e ligj tani se kurdoherë që nga shpallja e pavarësisë së Kosovës.

Për këto debate në Kuvendin e Kosovës në “Debat Plus” janë përplasur analistët Visar Ymeri i Imer Mushkolaj, përcjell Telegrafi.

Imer Mushkolaj thotë se Ramush Haradinaj kishte bërë gabim katastrofal që kishte pritur në zyrën e shtetit Milan Radojçiqin.

“Ne më pas mund të dyshojmë se Hardinaj ja ka bastisur shtëpinë Radojçiqit sa për sy e faqe”, ka thënë Mushkolaj.

Visar Ymeri nga ana tjetër thotë se Haradinaj veproi mirë që ia kishte bastisur shtëpinë Radojçiqit.

“Veprimi proceduralisht ka qenë mirë se si shteti ka shkuar te shtëpia e kapos së krimit…Ju po thoni se ata e kanë luftuar krimin për interesa politike. Le ta luftojnë edhe për interesa”, i ka replikuar Ymeri, Mushkolajt.

“Por jo të pritet krimineli në zyre të shtetit. Ky ka qenë gabim shumë i madh”, ishte kundër replika e Mushkolajt.

Ymeri thotë se Kurti po gabon kur po thotë se gjendja në veri është më e mirë se që ka qenë.

“Veriu rrezikohej atëherë kur Haradinaj priste në zyrë Radojiçiqin”, “Unë frikën e kam te ti kryeministër”- përplasje mes Kurtit e Haradinajt për operacionet në veri
Lexo po ashtu “Veriu rrezikohej atëherë kur Haradinaj priste në zyrë Radojiçiqin”, “Unë frikën e kam te ti kryeministër”- përplasje mes Kurtit e Haradinajt për operacionet në veri

“Haradinaj ka të drejt të reagojë ndaj Kurtit kur ky i fundit thotë se aksionet në veri kanë frikësuar strukturat paralele. Është legjitime të reagojë Haradinaj e të thotë se këto gjëra nuk janë të vërteta”, tha Ymeri.

“Është shumë më rëndësi se kush e thotë. Nëse e kishte thënë dikush tjetër e jo Haradinaj nuk kisha diskutuar. Edhe ne duhet t’ia kujtojmë Haradinajt veprimet e së kaluarës…Nuk ki drejt moralisht të flasësh kur e ke prit kriminelin në zyre. Njerëzit ta kujtojnë atë që ke bërë”, vijoi kundër replikën Mushkolaj./Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori