Edhe një herë tjetër ka pasur krisje raportesh mes Ministrisë së Drejtësisë (MD) dhe Këshillit Gjyqësor të Kosovës (KGJK) dhe Këshillit Prokurorial të Kosovës (KPK), këtë herë për Ligjin për statusin e gjyqtarëve. Kërkesat e këshillave të sistemit të drejtësisë po i duken të paarsyeshme Ministrisë së Drejtësisë dhe anasjelltas.
“Duan të zgjasin pensionimin deri në moshën 70 vjeçare”, ishte deklarata e zv ministrit të drejtësisë për gjyqtarët, Vigan Qorollit që alarmoi se mes institucioneve të drejtësisë ka sërish krisje.
Sigurimi shëndetësor, pensionimi i parakohshëm dhe i zgjatur deri në moshën 70 vjeçare, pensionimi suplementar që i siguron atyre pas pensionimit një pagë të majme, janë problematikat që sipas MD-së nuk po tejkalohen, e të gjitha këto janë pjesë e draftit të Ligjit për statusin e gjyqtarëve, që e kanë hartuar dy këshillat.
“Përderisa ne si MD mendojmë që duhet të jetë një ligj i veçantë për integritetin KPK dhe KGJK, nuk mendojnë kështu këto dy institucione të drejtësisë. KGJK dhe KPK pothuajse e kushtëzuan punëtorinë dhe reformën pa u definu këto çështje, dhe realisht e kushtëzuan me privilegjet e tyre financiare, kjo mbetet për ne e papranueshme”, tha Genc Nimoni – shef i Kabinetit të Ministres së Drejtësisë.
Por, kryesuesi i KGJK-së, thotë se atë që kanë propozuar ishte veç një draft preliminar e jo vendim final, për të cilin mund të diskutohej veçse këmbëngulin që një ligj duhet t’i përfshijë të gjitha çështjet.
“Të gjithë ata që nuk e kuptojnë që pjesë e statusit të gjyqtarëve është pjesa e rekrutimit të gjyqtarit, zhvillimit në karrierë, çështja e avancimit dhe pensionimit. Në fakt nuk kanë ide se çfarë është statusi i gjyqtarit. Nuk mund të diskutohet për stausin e gjyqtarit pa këto çështje, tani cilin model mund të zgjedhim, se a duhet të pensionohen në moshën 65, 67 apo 70 vjeç. Kjo është çështje që vendoset nga vlerësimi i përbashkët”, tha Albert Zogaj –kryesues i Këshillit Gjyqësor të Kosovës.
Po të njëjtin shqetësim e kanë në KPK.
“Me këtë rast, përveç mospajtimit për zgjatjen e pensionimit mbi moshën 65-vjeçare të prokurorëve dhe gjyqtarëve, Ministria e Drejtësisë ka theksuar me këmbëngulje se nuk do të diskutojë fare as për çështjen e sigurimit shëndetësor jetësor të prokurorëve dhe gjyqtarëve, gjë që është një kërkesë legjitime për rregullimin e statusit të tyre. Pra, përfaqësuesit e Ministrisë së Drejtësisë nuk janë pajtuar që të përfshihen në legjislacionin e propozuar këto çështje jashtëzakonisht të rëndësishme, përfshirë edhe pensionin suplementar dhe imunitetin e prokurorëve dhe gjyqtarëve”, thonë nga Këshilli Prokurorial i Kosovës.
Në Institutin e Kosovës për Drejtësi, presin kompromise nga të dyja palët dhe përfshirje të ambasadave e shoqërisë civile.
“Zgjidhja më e mirë është t’i kthehemi grupeve punuese edhe MD-ja edhe akterët e sistemit të drejtësisë, KGJK dhe KPK. Dhe, në nivel të diskutimeve të trajtohet kjo çështje që të ballafaqohen argumentet”, tha Lavdim Makshana nga Instituti i Kosovës për Drejtësi.
Për të vazhduar reforma e përbashkët e drejtësisë, KGJK-ja nuk pranon ligj të veçantë për integritetin pa u përfshirë statusi i gjyqtarëve, ndërkaq Ministria e Drejtësisë i ka bërë thirrje Këshillave që të marrin pjesë në punëtori dhe të shkojnë sipas deklaratës së përbashkët të zotimeve. /Dukagjini/
Lufta Prigozhin - Putin
Më shumëKosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
90 milionë euro për rrugën drejt BE-së, ambasadori gjerman: Përkushtim i fortë për integrimin evropian të Kosovës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Humbi kujtesën nga rrahja, vrasësi shqiptar vdes pas tetë vitesh në spitalin e burgut të Parmës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës