Vizitën e kryeministrit të Kosovës, Isa Mustafa në Bruksel, analistët e vlerësojnë si përpjekjen e tij të fundit që t’ia zgjasë jetën Qeverisë që ai udhëheq sa më shumë që të jetë e mundur.
Supas analistëve zgjedhjet e parakohshme janë duke trokitur në derë, dhe mbajtja e tyre po shihet si diçka e pashmangshme.
Analisti Arben Ahmeti, ka thënë për Telegrafin se Mustafa nuk ka qëndruar në zyrat e Bashkimit Evropian (BE), për të hequr kushtin e demarkacionit për liberalizim të vizave, sepse, sipas tij “ai dhe çdokush e di që një gjë e tillë nuk arrihet”.
“Mustafa ka ikur këto ditë në Bruksel, me qëllim që të shmang dërgimin në Kuvend edhe këtë javë të demarkacionit, dhe rrjedhimisht rënien e Qeverisë. Ka ekzistuar brenda Lidhjes Demokratike të Kosovës një kalkulim i gabuar, se nëse nuk bie këtë javë Qeveria, atëherë PDK do të bindet që të mos e dërgojë vendin në zgjedhje”, ka shtuar ai.
Analisti Imer Mushkolaj, ka thënë se “kryeministri bëri përpëlitjen e fundit për të vazhduar të qëndrojë në pushtet deri në fund të mandatit”.
Sipas tij, Mustafa e di se e ka shkelur vullnetin e elektoratit të LDK-së, kur ka vendosur të bashkëqeveris me PDK-në, duke shtuar se “e ka të pamundur të bëhet sërish kryeministër, andaj synon ta shfrytëzojë mandatin deri në fund”.
“Ai e ka hallin e vet, e jo të qytetarëve. Po të ishte ndryshe, ai do të provonte ta zgjidhte çështjen e demarkacionit gjatë gjithë muajve që kanë shkuar kot, pa e sjellë situatën politike në bllokadë totale”, ka theksuar Mushkolaj, për Telegrafin.
Ndryshe, Takimi i shumëpritur i kryeministrit Isa Mustafa me Komisionierin evropian Dimitris Avramoploso, në Bruksel përfundoi me dështimin e kryeministrit Mustafa, në përpjekjen për heqjen e demarkacionit si kusht për liberalizimin e vizave.
Zëdhënësja e Komisionit Evropian Tove tha për Tribuna Channel se Avromoplos vlerëson përpjekjet e kryeministrit Mustafa për demarkacionin me Malin e Zi dhe tha ka inkurajuar kryeministrin që ta dërgojë në Kuvend.
“Komisioneri Avramopoulos gjithashtu pranoi përpjekjet që Kosova ka bërë për të ratifikuar marrëveshjen e demarkacionit të kufirit me Malin e Zi dhe inkurajoi Kryeministrin Mustafa, qeverinë e tij dhe partitë politike që të vazhdojnë së shpejti me votën në Kuvend”, tha Tove.
Ndërkaq, komisioneri evropian ka dhënë mbështetjen e tij për liberalizimin e vizave dhe ka vlerësuar edhe luftën kundër korrupsionit. Gjithashtu bëhet e ditur se Avramoplos do të vizitojë Kosovën para stinës së verës./Telegrafi/
Promo
Reklamo këtuLufta Prigozhin - Putin
Më shumëBabai plagosi të bijën dhe më pas vrau veten, i afërmi: Vajza ishte e divorcuar, fëmijët i kishte marrë i ati
Departamenti Amerikan i Shtetit jep detaje të takimit Allen-Osmani
Babai i Hashim Thaçit flet pas takimit me djalin në Hagë
Ministria e Brendshme paralajmëron se një pjesë e agjencive të pavarura e ekzekutive do të shuhen
Thaçit i shkojnë për vizitë në Hagë prindërit e tij
Zeqiri reagon pas shkarkimit: “Puç” i përgatitur prej kohësh
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare