Edhe pse kanë kaluar 19 vjet nga masakra e Lubotenit, Avushe Aliu, nëna e Erxhanit të ndjerë, viktimës më të re të kësaj masakre, jeton më dhimbjen dhe mallin që i shtohet për të birin. Çdo ditë ajo kalon pranë vendit ku më 10 gusht granata e lëshuar nga forcat maqedonase vrau djalin e saj teksa ishte duke luajtur pranë shtëpisë.
Granata e kishte godit Erxhanin. Nuk e kemi njohur se ishte djali jonë. E kishin bërë copa. Kur na e kanë sjellë unë nuk e kam njohur se është djali jonë. As sytë nuk i kishte pas, hiç. Mezi e kemi varrosur. Vendin e ka më poshtë, ku e ka kapur granata, aty kalojmë ne. S’ka më ditë të mira për ne”, thotë Avushe Aliu- Nëna e Erxhanit.
Vetëm pak pasi kishin varrosur të birin, policia kishte arrestuar të atin e Erxhan Aliut, të cilin e kishin torturuar dhe e mbajtën në burg 4 muaj e 10 ditë.
“Për djalin…s’ka më keq. Krejt më rri para syve, në çdo moment, sepse ka qenë shumë keq nga granata, i copëtuar. Fëmijë, çfarë faji pati një fëmijë, çfarë faji pata unë që na morën na burgosën. 48 orë na kanë torturuar nëpër stacione të policisë. Na mbajtën në burg, na bënë terrorist. Në Hagë kam qenë dy herë. Ja tek i lëshuan. Këta tanët i kanë lëshuar- tha Isni Aliu – Babai i Erxhan Aliut.
Mevludin Bajrami ishte vetëm 14 vjeç kur i vranë dy vëllezërit e tij, Sulejman Bajramin dhe Xhelal Bajramin. Ai rikujton se pasi këtij momenti burrat i kanë torturuar aq sa vet nëna e Mevludinit nuk e ka njohur të birin kur ka shkuar ta vizitojë në stacionin policor.
“Këtu e kanë vrarë baçin Muharrem, ja mu këtu. Vëllain Sulejmanin e kanë vrarë para syve aty më poshtë. Një njeri nuk e bën atë punë, na kanë torturuar sa prej aty e kemi humbur vetëdijen. Pas dy ditësh në stacion policorë kemi ardhur në vetëdije. Në stacionin policor ka ndërruar jetë, Atulla Qaili. Na kanë dërguar në spital. Unë atje i kam kërkuar ujë infermieres dhe më tha helm nuk të jap e jo më ujë- tregon Mevludin Bajrami- vëllai i viktimave
Viktimat tjera të masakrës së Lubotenit janë: Dalip Murati, Muharrem Ramadani, Memet Memeti, Rami Jusufi, Kadri Jashari dhe Bajram Jashari.
Në këtë periudhë në Luboten u dogjën edhe 14 shtëpi të fshatit, ndërsa u arrestuan 100 banorë të tjerë, me arsyetimin se në fshat ishin të pranishëm pjesëtarë të UÇK-së. Për krimet e kryera ndaj civilëve shqiptarë u dënua Johan Tarçullovski, ish-pjesëtar i lartë i forcave të sigurisë maqedonase, ndërsa nga akuza u lirua ish- ministri i punëve të brendshme Lube Boshkovski. Tarçullovski u dënua me 12 vjet burg për vrasje, torturë dhe shkatërrim të pasurisë, por mbeti i lirë pasi vuajti 8 vite burg. Në përbërjen e larguar parlamentare, ai ishte deputet i OBRM-PDUKM-së./Alsat/
Promo
Reklamo këtuLufta Prigozhin - Putin
Më shumëDhuna dhe largimi nga banesa dyshohet se e detyruan gruan të mbytet me tre fëmijët e saj në Shkodër, çfarë dihet deri tani për rastin?
Kurti uron besimtarët ortodoksë: Fryma e Pashkës ju dhuroftë mirëqenie, shëndet, lumturi dhe begati
Zhdukja e nënës me tre fëmijët në Shkodër, policia arreston bashkëshortin - dyshohet të jenë mbytur për shkak të dhunës
Sekretari i EFJ-së i reagon Dimal Bashës: Sjellja jote e papërgjegjshme po e dëmton reputacionin e Kosovës
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Axhanqiq: Unë takohem me Kurtin hapur, të tjerët fshihen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak