Në Mitrovicë sot u shënua 19 vjetori i masakrës më të madhe të shkaktuar në luftën e fundit të Kosovës nga ana e forcave serbe në këtë qytet, kur në rrugën e Kovaçëve u ekzekutuan 31 persona.
Të pranishëm në këtë ceremoni përkujtimore ishin familjarët e viktimave, qytetarë dhe përfaqësues të institucioneve lokale, të cilët vendosën lule dhe bënë homazhe tek pllaka përkujtimore me emrat e viktimave.
Nënkryetari i komunës së Mitrovicës, Faruk Mujka, tha se kjo ishte masakra më e madhe e bërë brenda qytetit të Mitrovicës ndaj popullatës së pafajshme shqiptare nga forcat policore serbe.
Ai ka pranuar se institucionet lokale, si dhe ato qendrore nuk kanë punuar sa duhet në përkujdesjen ndaj familjarëve të viktimave. Mujka ka premtuar se vitin e ardhshëm do të realizohet një projekt që të kujtohen në mënyrë dinjitoze të gjithë të rënët në Mitrovicë.
“Institucionet lokale, si dhe ato shtetërore nuk kanë punuar sa duhet në këtë drejtim dhe apeloj që kuvendeve komunale t’iu rritet buxheti në mënyrë që ato sa më mirë t’iu dalin në ndihmë familjarëve. Viti i ardhshëm duhet të na presë me një projekt të gjithmbarshëm që në mënyrë dinjitoze t’i kujtojmë martirët e rënë”, ka thënë Mujka.
Motra e njërit nga viktimat të 14 prillit 1999, Flora Peci tha se institucionet e Kosovës premtuan shumë dhe bënë asgjë.
“Jam motra e njërit nga viktimat dhe jam krenare që jam sot këtu. Çdo parti politike në pushtet ka premtuar shumë, ndërsa ka rënë në hiç. Apeloj, që të rregullohen varrezat e tyre, që madje nuk vizitohen nga askush”, u shpreh Peci.
Tefik Sejdiu, i cili ka humbur në këtë masakër babanë, axhën dhe djalin e axhës, tha se ndjen dhimbje dhe mungesë të madhe të tyre edhe pas 19 viteve.
“Edhe pse kanë kaluar 19 vjet, sot ndjejmë dhimbje të madhe si dhe mungesën për më të dashurit tonë të cilët u vranë nga forcat kriminale serbe.
Ndërkaq në përvjetorin e 14 prillit, kryetari i KMLDNJ-së për rajonin e Mitrovicës, Halit Barani, ekspozoi 120 fotografi të ndryshme të masakrave të asaj periudhe në Mitrovicë.
Barani tha se këto 120 fotografi flasin të gjitha gjuhët e botës për tmerrin që është ushtruar mbi popullatën shqiptare nga policia, civilë dhe paraushtarakët serbë.
“14 prilli ishte masakra më e madhe për Mitrovicën, ku janë pushkatuar 31 shqiptarë. Këtu kam ekspozuar 120 fotografi që flasin të gjitha gjuhët e botës për tmerrin që është ushtruar mbi popullatën shqiptare nga ushtria, policia, civilë dhe paraushtarakët serbë. Institucionet lokale dhe ato qendrore i kanë shtirë vesh në lesh dhe i kanë vënë syzet të salduesve që saldojnë me aparat elektrik dhe as nuk shohin as nuk dëgjojnë dhe as nuk dinë çka ka ndodhë dhe as që janë të interesuar të dinë”, tha ndër të tjera Barani./Telegrafi/
Promo
Reklamo këtuLufta Prigozhin - Putin
Më shumëMilatoviq kërkon drejtësi për vrasjet e shqiptarëve në Mal të Zi më 1999 – propozon edhe ngritjen e një memoriali
Eurodeputeti holandez: Provokime fëmijërore dhe të rrezikshme nga Serbia – zv.drejtori i policisë të lirohet menjëherë
Moti i keq nxjerr në bregdet grumbuj me mbetje plastike në Durrës, ndotja e mjedisit problem për qytetin turistik
Qeveria e RMV-së vendosi: 24 prilli dhe 8 maji ditë jo pune për të gjithë qytetarët
Sveçla: Dejan Jankoviq është dërguar në paraburgim për 48 orë
“Deri kur?”, Shqiprim Arifi dënohet nga Gjykata e Vranjës me rreth 500 euro për vendosjen e flamurit kombëtar në selinë e partisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin