Komuna e Kamenicës ka përfunduar punimet në dy rrugë të fshatit Feriqevë, si pjesë e investimeve në përmirësimin e infrastrukturës lokale.
Kryetari i komunës, Kadri Rahimaj, ka bërë të ditur se është hedhur shtresa e dytë e asfaltit në:
- Rrugën “Rruga e Fushave”, me gjatësi 914,16 metra
- Rrugën “Bejtë Pireva”, me gjatësi 1,846.25 metra
Sipas Rahimajt, totali i investimeve për këto dy projekte arrin në 860,387 euro.
Ai ka theksuar se puna për infrastrukturën rrugore po vazhdon çdo ditë në të gjitha lokalitetet e komunës.
“Po punojmë për të siguruar infrastrukturë të duhur në çdo vendbanim”, ka shkruar Rahimaj. /Telegrafi/
