Me përfundimin e epokës Messi-Ronaldo: Mbappe fillon rivalitetin tjetër të madh të futbollit

Fansat janë të bindur se Kylian Mbappe ka nisur rivalitetin e ardhshëm të madh të futbollit pas reagimit të tij ndaj Erling Haaland duke marrë një çmim.

Ylli francez u mund nga norvegjezi për trofeun Gerd Muller i cili u prezantua gjatë ceremonisë së Topit të Artë në Paris.

Sulmuesi 24 vjeçar humbi çmimin e paralajmëruar pas debutimit fantastik të Haaland për Manchester Cityn.

Lexo po ashtu Haaland cilësohet si 'viktima' e fundit: Lewandowski, Sneijder dhe pesë lojtarët e tjerë që u grabitën ndër vite për Topin e Artë

Sulmuesi shënoi 56 gola të jashtëzakonshëm për klubin dhe kombëtaren sezonin e kaluar që e panë atë të kalonte çdo sulmues në Evropë, përfshirë Mbappen.

Mbappe kishte vetëm dy gola më pak se ish-lojtari i Borussia Dortmundit pasi ai gjithashtu shijoi një sezon mbresëlënës me PSG-në dhe Francën.

Megjithatë, ndërsa23 vjeçari u ngjit për të marrë çmimin e tij nga Gary Lineker, francezi dukej më pak se i impresionuar pasi i dha rivalit të tij një duartrokitje të zbehtë.

Lexo po ashtu Skandal pas skandali në ceremoninë e Topit të Artë: Emiliano Martinez dhe babai i tij mbetën të shtangur nga francezët që i vërshëllyen

Tifozët e panë momentin në rrjetet sociale teksa pohuan se rivaliteti i radhës i madh në futboll është këtu.

Një fans ka postuar: “Duke lëvizur sikur ishte i detyruar të duartrokiste”.

Lexo po ashtu Messi emëroi një lojtar të Real Madridit që mund të fitojë Topin e Artë - nuk është Bellingham

I dyti komentoi: “Rivaliteti tashmë ka filluar. Vitet e ardhshme do të jenë të vlefshme”.

Ndërsa i treti tha: “Është gati të jetë një duel i ngjashëm si Ronaldo-Messi. Atje është edhe Bellingham. Mbappe duhet të largohet nga PSG nëse e dëshiron vërtet atë çmim”. /Telegrafi/

La façon dont Mbappé a applaudit Haaland 😭 pic.twitter.com/zJFNQgUC7Z

— • 𝙋𝑯𝙄𝑳𝙊𝑼⁴⁷🏴󠁧󠁢󠁥󠁮󠁧󠁿✞ (@PhilouK_8) October 31, 2023