Është mbajtur në qytetin e Shkodrës Festivali i 59-të Mbarëkombëtar i Këngës për Fëmijë. Kompozitorë dhe krijues, jo vetëm nga Shqipëria, por edhe nga Kosova, Maqedonia e Veriut dhe Mali i Zi, përgjatë dy netëve kanë sjellë krijimet e tyre në këtë kompeticion, ku vetë fëmijët votojnë për këngën fituese.
Në këtë edicion e vetmja konkurente nga Kosova ishte Sara Elshani e cila nga Shkodra u rikthye me njërin nga shpërblimet e festivalit.
Tanimë për publikun tonë nuk janë befasi shpërblimet për Sarën.
Sara në çdo festival që garoi rrëmbeu edhe shpërblime.
Në "Theranda fest 4" që organizohet në Suharekë mori dy shpërblime vendin e tretë të festivalit dhe çmimin e publikut.
Në "Vihuela Fest" 2020 që organizohet në Prishtinë mori çmimin e parë dhe tani në edicionin e 59-të të këngës për fëmijë në Shkodër rrëmbeu çmimin e tretë për interpretim vlerësuar nga profesionist të festivalit.
