Chang Benfu dhe Zhao Xuefang nga Shanxi i Kinës, që janë martuar para 40 vitesh në ceremoni modeste shkaku i kushteve ekonomike, janë fotografuar tash me kostumet martesore.
Burri 84-vjeçar dhe bashkëshortja një vit më e re, e kishin treguar historinë e tyre në dasmën e nipit, se si në ceremoninë e tyre kanë marrë pjesë shumë pak vetë, ndërsa nuk kishin mundësi të angazhonin fotograf, transmeton Telegrafi.
Pas 40 vitesh, bënë fotografitë e martesës
Të inspiruar nga kjo histori, një grup studentësh kanë shkuar në fshatin e tyre dhe pasi i kanë veshur me rrobat e duhura, kanë shkrepur edhe imazhet.
"Fotografitë e dasmës së gjyshit dhe gjyshes", mban titullin ky koleksion, ku nusja në moshë shfaqet me vello dhe xhaketë teksasi.
Gjyshërit pozojnë si të porsamartuar
Megjithëse janë bashkë që nga viti 1976, ata janë treguar shumë romantikë para kamerës.
Bashkëshortët që kanë tetë fëmijë, kanë 53 trashëgimtarë tjerë.
Me vello dhe lule, si çdo nuse
Ndryshe, historia e tyre publikohet në fillim të sezonit të dasmave, që ekonomisë së Kinës i sjell çdo vit mbi 70 miliardë euro. /Telegrafi/
