Po bëhen 15 muaj qëkur marrëveshja për demarkacionin e kufirit me Malin e Zi nuk gjeti ratifikim në Kuvendin e Kosovës. Ndërkohë, pozita e opozita ende nuk kanë treguar shenja të përafrimit të qëndrimeve për këtë çështje, e mosmiratimi i ujdisë po mbetet një nga dy kushtet për liberalizimin e vizave për kosovarët.
Por, një malazez po thotë se ka plot rrugëdalje që vendi të plotësojë kushtin për liberalizimin e vizave, njofton Klan Kosova.
Kryetari i shoqatës së malazezëve të Kosovës, Sllobodan Vujiçiq, bëri me dije se Mali i Zi është i gatshëm të bisedojë rreth kësaj marrëveshjeje.
Sipas tij - që telashet për vijën kufitare i quan politike - autoritetet malazeze janë të gatshme të bisedojnë edhe me opozitën kosovare. /Klan Kosova/
