Pep Guardiola me kërkesë interesante për UEFA-n dhe FIFA-n pas fitimit të Ligës së Kampionëve

Trajneri i Manchester Cityt, Pep Guardiola dëshiron që FIFA dhe UEFA të bashkohen për një zgjidhje më të mirë të orarit për zhvillimin e ndeshjeve, pasi përfundimisht ngritën trofeun e Ligës së Kampionëve.

Ka qenë një pritje e gjatë që spanjolli të ngrinte sërish trofeun e lakmuar evropian me triumfin e tij të mëparshëm që erdhi me Barcelonën në vitin 2011.

“Ne jemi vërtet të lumtur” – deklaroi Guardiola fillimisht për Sky Sport. “Në fund mund të kishim dyfishuar rezultatin me (Phil). Kjo garë është e bukur. Ne fituam tripletëm, është një emocion unik. Jam shumë i lumtur”.

Lexo po ashtu Inzaghi: Interi i tregoi botës se kush është me paraqitjen ndaj Man Cityt

Më pas Pep Guardiola komplimentoi Simone Inzaghin dhe Interin: ” Urime Interit, ata janë një ekip i madh. Ata janë ekipi i dytë më i fortë në Evropë, kjo nuk është gjë e vogël. Futbolli italian është gjithmonë futboll italian”.

“Liga Premier ? Ka gjithmonë një tendencë për të folur keq për atë që jemi, por unë shoh gjëra te Interi, Napoli ose Milani që janë klubet më të mira. Ata nuk e hedhin topin përpara dhe më pas mbyllu mbrapa. Është shumë e vështirë ta ndalosh atë”.

“Sezoni i ri? Për momentin, nuk kam energji për të menduar për të. Është e pamundur. Të gjithë kemi nevojë për pushim. Sezoni është shumë i gjatë. Është e vështirë të fitosh këtë trofe”.

Lexo po ashtu Intervista emocionale e Jack Grealish pas triumfit historik të Man Cityt në Ligën e Kampionëve

“Shumica e këtyre djemve shkojnë me ekipet e tyre kombëtare për të luajtur një lojë, kështu që është tejet e vështirë, është një orar shumë i ngjeshur.

“UEFA-FIFA, mendoni pak. Hajde! Ata përfundojnë Ligën Premier, dy-tre javë më parë, pastaj pushimet dhe pastaj kthehen për shumë ndeshje?”.

“Këta djem do të kenë dy ose tre javë pushim dhe duhet të rifillojnë sezonin e ardhshëm”.

Lexo po ashtu Kapiteni i Man Cityt, Gundogan: Ndeshja ishte 50/50, me fat që fituam ne

“Ne kërkojmë dhe duhet të ketë një orar të ri – është shumë”, ka shtuar më tej Guardiola.

Manchester City fitoi për herë të parë trofeun e Ligës së Kampioëve, ndërsa u bë vetëm skuadra e dytë angleze që kompleton tripletën, pas Manchester United që e kishte arritur në sezonin 1998/99. /Telegrafi/