Pëlqehet kënga e Stenaldo Mëhillit

Stenaldo Mehilli vazhdon të pëlqehet nga publiku shqiptar me projektin e tij më të ri muzikor, “Cosmonauts”.

Ish-konkurrenti i “The Voice Of Albania”, i cili u shkëput për pak kohë nga muzika, është rikthyer tepër suksesshëm me projektin e tij të ri, i cili mban vulën e kompozitorit të huaj, Ashley Hicklin.

Ndërkohë që javën e kaluar mbante vendin e 10-të, falë mbështetjes së fansave, Stenaldo është ngjitur me tre pozicione, duke u renditur në vendin e shtatë në ‘Top 10’, transmeton Top Channel.

“Cosmonauts”, e cila e pati premierën e saj në gjysmëfinalen e “The Voice Kids”, kënduar drejtpërdrejtë nga artisti, ka pasur mjaft komente pozitive në rrjetet sociale.

https://www.youtube.com/watch?v=_sfZFaInquQ

Rrugëtimi i Stenaldos nisi aty, ku prej vitesh përzgjidhet zëri më i mirë i shqiptarëve, “The Voice of Albania”.

Ai u prezantua si një i ri plot talent dhe energji, i cili që në performancën e parë bindi Alma Bektashin, që të kthente karrigen për ta bërë pjesë të skuadrës së saj.

E pasi rrugëtimi i tij në “The Voice” përfundoi, zgjodhi të marrë pjesë në “Top Fest”, me këngën “Flas me diellin”. E katër vite më pas ai u rikthye në skenën e “The Voice” mekëngën e tij të fundit, “Cosmonauts”, në gjysmëfinalen e ‘The Voice Kids’.