Pelegrinët hebrenj, të cilët morën pjesë në festimet e Lag Ba’omer në malin Meron të enjten mbrëma, pohuan se janë tronditur dhe tmerruar pasi dhjetëra njerëz u vranë dhe mbi njëqind u plagosën në një rrëmujë të shkaktuar para varrit të rabinit, Shimon Bar Yochai.
CEO i United Hatzalah, Eli Pollack, i tha The Jerusalem Post se incidenti ndodhi kur turma të mëdha njerëzish vërshuan në një kompleks të mbyllur, duke shtypur dhjetëra njerëz në gardhe. Ndërsa të gjithë të plagosurit u evakuuan nga vendi i ngjarjes, shumë njerëz kërkuan ndihmë psikologjike, përfshirë vullnetarë mjekësorë, transmeton Telegrafi.
Pollack tha se njerëzit kishin ardhur në festime të ngazëllyer që më në fund ishin në gjendje të festonin pas një viti të mbyllur nga coronavirusi dhe theksoi sesi gëzimi i madh u prish papritmas nga katastrofa.
“Për fat të keq ne gjetëm fëmijë të vegjël duke u shkelur atje. Ne arritëm të shpëtonim disa prej tyre”, tha themeluesi i United Hatzalah Eli Beer për Radion e Ushtrisë. “Ne duhet të zgjohemi; jam i tronditur nga sasia e njerëzve që u lejuan të hyjnë brenda”.
“Pamje të vështira, njerëz të shtypur pa mundur të shpëtojnë. Disa nga të plagosurit janë ende duke u trajtuar në vendin e ngjarjes”, tha zëdhënësi i MDA Zaki Heller, raporton jerusalempost.
“Ne po qëndronim në këmbë dhe po prisnim për miqtë tanë, do të shkonim brenda për të kërcyer dhe gjëra të tjera dhe papritmas pamë duke vrapuar ndihmësit e MDA-s”, tha 36-vjeçari Shlomo Katz.
“Kjo është një nga tragjeditë më të këqija që kam përjetuar ndonjëherë. Unë nuk kam parë diçka të tillë që kur kam hyrë në fushën e mjekësisë urgjente në vitin 2000”, tha nënkryetari i Departamentit Vullnetar të United Hatzalah Lazar Hyman.
סרטון הזוי, דקות ספורות לפני האסון הקשה נראים האנשים מצטופפים במדרגות ונתקלים במחסום אנושי שעוצר אותם. מה גרם לדוחק להתפרץ בבת אחת ולציבור להימחץ? pic.twitter.com/4VBzW5jfNE
— ישראל כהן (@Israelcohen911) April 29, 2021
Një nga personat e plagosur në incident i tha KAN news se njerëzit filluan të rrëshqasin në shkallë dhe të bien mbi njëri-tjetrin. “Kishte gjithnjë e më shumë njerëz, derisa policia vendosi të hiqte gardhet anash dhe të provonte shpëtimin e njerëzve. U desh kohë. Mbaj mend që u shtriva mbi dikë. Ai nuk merrte frymë”, tha ai.
“Kishte britma; një rrëmujë. Secili duke u përpjekur të dilte nga tjetri, por ata nuk arritën të nxirrnin askënd jashtë sepse ishte një enigmë. Unë pashë njerëz, fëmijë, nën mua”, shtoi dëshmitari okular në KAN.
Fotografitë nga vendi i ngjarjes treguan se incidenti ndodhi në një pjerrësi metalike, të cilën dëshmitarët okularë e përshkruanin si aq të rrëshqitshme sa njerëzit thjesht rrëshqisnin brenda dhe mbi njëri-tjetrin. Rroba, kapele, shishe uji dhe madje edhe copa karroce mbetën të shpërndara në rrugën e ngushtë pas incidentit. /Telegrafi/
עוד תיעוד קשה מהצפיפות המחרידה. נורא. pic.twitter.com/t8TZkAcX9Q
— ישראל כהן (@Israelcohen911) April 30, 2021
Lufta Prigozhin - Putin
Më shumëVetëm dy vende do të mbijetonin pas apokalipsit bërthamor - çka do t'i shpëtonte këto shtete
Pamje që tregojnë sulmin e fundit të ushtrisë ukrainase në Krime
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë
Gjyqi ndaj Trumpit: Ish-avokati i tij e pranon se ka gënjyer shpesh për ta ndihmuar ish-presidentin amerikan
Ukraina sulmon me dronë luftarak Krimenë
Spanja ndalon ankorimin e anijes që thuhet se po transportonte rreth 27 ton eksplozivë drejt Gazës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë