Në një konferencë për media të Partisë Demokratike të Kosovës, zëdhënësi Blerand Stavileci akuzon partitë tjera, koalicionin LDK-AKR-NISMA dhe Lëvizjen Vetëvendosje, për bllokim të formimit të institucioneve.
Stavileci thotë se ata po kërcënojnë deputetët për të votuar, ndërsa për kryesuesin e seancës së Kuvendit të Kosovës, Adem Mikullovci, thotë se ka abuzuar me këtë detyrë.
“Përpjekjet e partive humbëse për të bllokuar do të dështojnë dhe nuk do të lejojmë tjetërsimin e vullnetit të qytetarëve”, ka thënë ai, duke i quajture të tjerët uzurpatorë, transmeton Telegrafi.
“Nuk do ta lejojmë këtë dhe nuk i nënshtrohemi diktatit politik. Ne i sigurojmë qytetarët e votuesit se do ta respektojmë vullnetin e tyre duke i formuar institucionet e Kosovës. PDK do të jetë garancë e vlerave euroatlantike të shtetit të Kosovës”, ka thënë ai.
Stavielci tha se PDK-ja nuk do të marrë pjesë në seancën e nesërme pasi që, sipas tij, “kryesuesi e ka mbyllur seancën në mënyrë arbitrare”. /Telegrafi/
Më poshtë mund ta lexoni të plotë deklaratën zyrtare të PDK-së:
“PDK: Mos bëni presione, s’lejojmë të cenohet kushtetutshmëria dhe vullneti qytetar
Partia Demokratike e Kosovës dënon presionet publike dhe private mbi deputetët e Kuvendit të Republikës së Kosovës, si përpjekje për dirigjimin e votave të tyre.
Partia Demokratike e Kosovës apelon te subjektet politike parlamentare, që të mos i shantazhojnë të zgjedhurit e popullit, por t’i lënë të lirë, sepse si përfaqësues të qytetarëve, deputetët i nënshtrohen vetëm vullnetit dhe ndërgjegjes së tyre.
Institucionet e Republikës së Kosovës do të formohen mbi vullnetin e shprehur të qytetarëve dhe jo mbi inatet personale të grupeve politike, që me qasjen e tyre destruktive po e bllokojnë të ardhmen e Kosovës.
Gjithashtu, Partia Demokratike e Kosovës shpreh shqetësimin e saj për abuzimet e vazhdueshme, që sot kryesuesi i seancës konstituive i ka bërë gjatë udhëheqjes së saj, duke treguar njëanshmëri dhe duke i ofenduar jo vetëm fituesit e zgjedhjeve, por edhe institucionin e Kuvendit të Kosovës.
Përpjekjet e subjekteve politike humbëse të zgjedhjeve për të bllokuar krijimin e institucioneve shtetërore do të dështojnë dhe në asnjë mënyrë nuk do të lejojmë tjetërsimin e vullnetit të qytetarëve të Kosovës, të shprehur në zgjedhjet e 11 qershorit.
Mentaliteti uzurpues dhe manipulues i partisë Vetëvendosje dhe koalicionit të LDK-së është shqetësues jo vetëm për situatën aktuale, as vetëm për një pozicion politik sic mund të jetë pozita e kryeministrit apo kryeparlamentarit, por për kushtetutshmërinë dhe vullnetin e cenuar qytetar, duke krijuar kështu precedentë që nuk i japin zgjidhje problemit, por e legjitimojnë metodën e tyre uzurpatore për shtetin dhe institucionet.
Partia Demokratike e Kosovës është e vendosur që të mos e lejojë këtë dhe të mos i nënshtrohet asnjë diktati politik.
Ne, sikurse që jemi dëshmuar deri më tash në themelimin, mbrojtjen dhe respektimin e institucioneve shtetërore, i sigurojmë qytetarët dhe votuesit e PDK-së, se do ta respektojmë vullnetin e tyre, duke i formuar shumë shpejtë institucionet e Kosovës.
Partia Demokratike e Kosovës do të vazhdojë të jetë garancë e vlerave euroatlantike të shtetit të Kosovës” (sic.)
Promo
Reklamo këtuLufta Prigozhin - Putin
Më shumë“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe