Një punonjës shëndetësorë në Rusi ka zbuluar pasojat e coronavirusit që është përhapur në masë të madhe në Rusi, duke filmuar kufomat e mbështjella në morg.
“Kufoma kudo, kufoma”, dëgjohet duke thënë ky burrë derisa ecte në korridorin e hapësirës ku futen kufomat, transmeton Telegrafi.
Videoja është filmuar në qytetin siberian Novokuznetsk, rreth 480 kilometra nga kufiri me Kazakistanin, në kohën kur Rusia po ballafaqohet me një valë tjetër të coronavirusit, pavarësisht se tërë kohën Kremlini pretendon se ka zbuluar vaksinën kundër COVID-19 dhe thotë se ka filluar të japë efektet e para “pozitive”, transmeton Telegrafi.
Në këto filmime, punonjësi i morgut ua tregon lexuesve stacionin për dezinfektim dhe kabinën e dushit, para se të futet në pjesën e “ndyrë” të morgut.
“Kemi korridorin plotë me kufoma”, thotë ai derisa filmon trupat nëpër thasë që qëndrojnë të shtrirë në dysheme. Madje një kufomë shihet që nuk është futur në thes, thjesht është mbuluar me rroba derisa këmbët i shihen të zbuluara.
“Është dhoma e dezinfektimit”, thotë ndër tjera ai derisa vazhdon të filmojë skenën rrëqethëse: “kufoma kudo, kufoma”, shtoi ai.
Sipas këtij punonjësi rus të Shëndetësisë, ata thjesht po ecin afër kokave të vdekurve nga COVID-19. E në anën tjetër, Ministria ruse e Shëndetësisë në rajonin Kemerovo ka konfirmuar autenticitetin e videos.
Guvernatori lokal Sergei Civilev, i cili edhe vetë është prekur nga coronavirusi, ka shkarkuar Oleg Evsin shefin lokal të njësisë shëndetësore të kësaj ministrie.
“Duke marrë parasysh rritjen e numrit të rasteve me COVID-19 gjatë tri javëve të fundit, është rritur dukshëm edhe numri i atyre që kanë humbur jetën. Për shkak të vonesave për nxjerrjen e kufomave, në këtë hapësirë kanë qenë rreth 50 trupa të pajetë”, thuhet në kumtesën e ministrisë.
Një video tjetër që është shpërndarë në rrjetet sociale, shfaq dhjetëra qytetarë rusë që vuajnë nga coronavirusi në Zheleznogorsk, që prisnin në radhë të gjata para spitalit në temperatura nën zero. Radhë të ngjashme janë parë edhe në Krasnoyarsk, madje raportohet se në këtë vend ka mungesë të antibiotikëve.
Në Rostov janë zbuluar detajet e rastit të javës së kaluar kur ndërruan jetë 13 pacientë, si rezultat i mungesës së oksigjenit në spitalin numër 20. Mjeku Artur Toporov i ka shkruar presidentit rus Vladimir Putin, duke zbuluar se mjekët bëjnë thirrje për furnizim me oksigjen për pacientët që janë në gjendje kritike, por deri më tani pa ndonjë sukses – sepse nuk kanë marrë përgjigje nga Kremlini. /Telegrafi/
Promo
Reklamo këtuLufta Prigozhin - Putin
Më shumëÇfarë janë retë artificiale dhe a shkaktuan përmbytjet e mëdha në Dubai?
Izraeli sulmon Iranin me raketa
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
Tërmet i fuqishëm në Turqi - raportohet për dëme materiale
Sa seriozisht duhet të merret retorika bërthamore e Iranit?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi