Paulinho: Kam folur disa herë me Coutinhon rreth kalimit në Barcelonë

Mesfushori i Barcelonës, Paulinho, pranon se do të mirëpriste ardhjen e Philippe Coutinhos nga Liverpooli në Camp Nou, teksa ka treguar se ka folur disa herë rreth kësaj çështje.

Coutinho dhe Paulinho janë shokë të mirë te Kombëtarja e Brazilit dhe shpesh kalojnë kohë së bashku.

Mesfushori i ri i Blaugranëve ka theksuar se do të mirëpriste ardhjen e yllit të Liverpoolit në skuadër, teksa ka theksuar se kanë folur disa herë rreth kësaj çështje me Coutinhon.

Lexo po ashtu Paulinho lë nën hije me golat e tij edhe dhjetë sulmues të njohur në Evropë

“Unë kam folur disa herë në lidhje me Coutinhon për këtë çështje,” tha Paulinho.

“Gjithkush pret që lojtarët e mëdhenj të vijnë në Barcelonë, ne kemi një grup shumë të fortë lojtarësh të mëdhenj, pa Coutinhon, tjerët po bëjnë një punë të shkëlqyeshme”.

“Për Coutinhon nuk është e nevojshme të thuhet shumë; ai është një lojtar i madh, i cili ka bërë një ndryshim në ekipin e tij. Në ekipin brazilian, ai është i ri, por me përvojë në Evropë”.

Lexo po ashtu Coutinho kërkon garanci nga Liverpooli për transferimin e tij te Barça

“Unë dua që ai të vijë, mendoj se do të ishte një nënshkrim i shkëlqyeshëm për Barçën”.

“Do të ishte një lumturi e madhe për mua, sepse do të kishim një tjetër lojtar të mirë dhe një tjetër brazilian”, përfundoi mesfushori brazilian. /Telegrafi/