LAJMI I FUNDIT:

Pasojat e coronavirusit, dizajnerët kolumbianë shpikin shtratin e punuar nga kartoni që shndërrohet në arkivol

Pasojat e coronavirusit, dizajnerët kolumbianë shpikin shtratin e punuar nga kartoni që shndërrohet në arkivol

Shtrati i spitalit i punuar nga kartoni që të njëjtën kohë mund të shërbej si arkivol, mund të tingëllojë si një ide morbide, por mund të jetë praktik në veçanti në vendet e Amerikës Latine që janë bërë vatra të reja të coronavirusit.

Siç raporton The Guardian, derisa numri i të sëmurëve nga dita në ditë po rritet në vendet e Amerikës Latine, një ekip i dizajnerëve nga Kolumbia kanë gjetur “zgjidhjen” – që shtratin e spitalit ta shndërrojnë në arkivol, transmeton Telegrafi.

Ekuadori, fqinji jugor i Kolumbisë, është vendi i parë që në prill përjetoi goditjen e fuqishme të coronavirusit. Asokohe në qytetin Gvajakil ishin detyruar që trupat e pajetë t’i mbajnë nëpër rrugë, sepse nuk kishte hapësirë të mjaftueshme nëpër varreza por edhe arkivolet mungonin.

Autoritetet lokale kishin filluar me kuti kartoni t’i ndajnë trupat e pajetë, ku përkrah tyre mund të qëndronin familjarët e viktimave që i ruanin derisa të ju vie radha për varrim.

Për fat të keq, me të njëjtën situatë tani po ballafaqohen edhe vendet tjera të rajonit. Brazili menjëherë pas SHBA-ve qëndron për nga numrit i të sëmurëve dhe vdekurve nga COVID-19, derisa e tërë Amerika e Jugut është bërë vatra e re e virusit që deri më tani ua ka marrë jetën mbi 350 mijë njerëzve në mbarë botën.

Prognozat për Kolumbinë, e cila pas dy muajve ka filluar me lehtësimin e masave, nuk janë aspak të mira. Mesatarisht afro njëmijë persona sëmuren brenda 24 orëve, kurse qindra tjerë vdesin, që tregon qartë që karantina ka ndihmuar shumë pak në lakore.

Kolumbia ka në total 8 mijë shtretër nëpër repartet e kujdesit intensiv, e bëhet fjalë për një vend që ka 50 milionë banorë. Në anën tjetër drejtorët e spitaleve kanë bërë të ditur se nuk janë vetëm shtretërit që mungojnë në masë të madhe, por edhe pajisjet tjera të ndryshme.

Për këtë arsye Gomez filloi këtë projekt. Pretendon se brenda një muaji mund të prodhojë rreth 3 mijë shtretër, dhe se secili do të kushtoj mesatarisht 95 dollarë dhe ka një kapacitet prej 150 kilogramëve.

Ata presin të kenë interesim të madh nga SHBA-t-ë, Brazili, Meksika, Peruja dhe Kili, e është premtuar se do të dhurojnë 10 shtretër të tillë në Leticia, qytet ky i goditur rëndë nga pandemia në Kolumbi. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Bosnja
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Putin me deklaratë qesharake: Jemi sulmuar, prandaj po luftojmë

Putin me deklaratë qesharake: Jemi sulmuar, prandaj po luftojmë

Evropa
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori