Pasagjerët e parë testuan sistemin e transportit të shpejtë Hyperloop

Për herë të parë, dy persona u vozitën në një kapsulë të një sistemi super të shpejtë Hyperloop në një tunel pothuajse plotësisht të vakumuar

Kapsula “Pegasus” ajo mbante udhëtarët përmes një tuneli të mbyllur nga i cili është hequr ajri, me një shpejtësi prej 160 kilometrash në orë.

Udhëtimi ka zgjatur gjithsej 15 sekonda, transmeton Telegrafi.

Në vitin 2013 Elon Musk ka prezantuar konceptin e sistemit të transportit futurist të kapsulave lëvizëse të cilat lëvizin në vakuum me shpejtësinë prej më shumë se 1000 km në orë, të cilin e ka zhvilluar në kompaninë SpaseX, pastaj ua ka bërë të qasshëm edhe kompanive të tjera të cilat do të vazhdonin hulumtimin.

Në tunelin e testimit “DevLoop”, të gjatë 500 dhe të gjerë 3,3 metra, Virgin Hyperloop deri tani ka bërë më shumë se 400 teste, por pa udhëtarë.

Sistemi shfrytëzon teknologjinë mag-lev, e cila është aplikuar te trenat e shpejtë në Japoni.

Levitimi elektromagnetik nënkupton që nuk ekziston fërkimi midis “binarëve” dhe trenit, gjë që u mundëson që të lëvizin dukshëm më shpejt.

“Pegasus” peshon 2,5 tonelata dhe është i gjatë 5,5 metra.

Kur sistemi te jetë plotësisht i zhvilluar dhe i gatshëm për përdorim komercial, pritet që do të mund të ketë më shumë se 20 udhëtarë.

Shikoni si duket testi revolucionar i udhëtimit:

/Telegrafi/