Eugen Cakolli nga Instituti Demokratik i Kosovës bëri të ditur se bazuar në rezultatet e deritanishme dhe nëse vendimet e PZAP-it nuk ankimohen në Gjykatën Supreme dhe kjo e fundit nuk vendos ndryshe, i bie që do të ndryshojë edhe konfiguracioni politik i Kuvendit.
Cakolli në një deklaratë për Telegrafin tha se me vendimet e fundit të PZAP-it sa i përket votave të komuniteteve, boshnjak, rom dhe lidhur me votat e një prej kandidatit të AAK-së i është dhënë një drejtim i mbarë i procesit zgjedhor dhe në radhë të parë është siguruar kushtetutshmëria sa i përket përfaqësimit të komuniteteve.
“Bazuar në rezultatet e deritanishme nëse këto vendime nuk ankimohen në Supreme dhe Supremja nuk vendos ndryshe, i bie që do të ndryshojë edhe konfiguracioni politik i Kuvendit. Zonja Adriana Hoxhiq do të mbetet jashtë kuvendit dhe me shumë gjasë pozitën e deputetes do ta zë zonja Duda Balje”, tha ai.
Cakolli tha më tej se tek votat e komunitetit rom mbetet të shihet a do ta humbin mandatit e dytë.
“Sa i përket votave të kandidatëve brenda listës së AAK besoj që vendimi në formatin që e ka publikuar PZAP është i domosdoshëm dhe rinumërimi i këtyre votave me kusht do të ofrojë pasqyrë më të qartë, a ka pasur njëmend skema të manipulimit të qindra votave të kandidatëve brenda listave të njëjta të subjekteve politike”, tha më tej Cakolli.
Sipas tij, në rast se vërtetohet se ka skema të manipulimit të votave me kusht dhe të diasporës padyshim do të ketë hije të keqe të procesit zgjedhor, ndonëse nuk cenohet në esencë integriteti i procesit meqenëse pikërisht ky vendim për rinumërim do të rrisë besueshmërinë e publikut në këtë proces.
“Sa i përket votave të komuniteteve, ne kemi vlerësuar se çështja e votave të komuniteteve ka ngjallë dyshime të shumta dhe në fakt adresimi i tyre përbën avancim të procesit zgjedhor sepse korrigjohen gabimet”, tha ai.
Cakolli foli edhe për kohën se kur pritet të ndodhë certifikimi i zgjedhjeve.
“Unë besoj që do të marrë kohë nëse KQZ do të presë vendimet e Supremes për rinumërim, ka fare pak gjasa ose aspak që certifikimi i zgjedhjeve të ndodhë në këtë javë. Tashmë fillon të rrjedh afati 24 orësh për Gjykatën Supreme, e njëjta ka 72 orë për t’i adresuar këto shqetësime.
Nëse merret trendi i zakonshëm i 45 tavolinave të numërimit, atëherë votat me kusht dhe të diasporës për AAK do të mund të numëroheshin brenda 1 ose 2 ditë. Duke pasuar sërish një afat 24 orësh të ankimimit në PZAP, i bie që do ta përmbyllim këtë proces nga fillimi i javës së ardhshme”. /Telegrafi/
Lufta Prigozhin - Putin
Më shumëNga Rubrika
Policia e Kosovës kërkon që vozitësit të kenë kujdes të shtuar gjatë ngasjes kur ka shi
Dështimi i procesit të votimit në veri, BE-ja nuk jep afat kur do të hiqen masat ndaj Kosovës
Zgjedhjet presidenciale në Maqedoni – sot votojnë të sëmurët, të burgosurit dhe personat në shtëpitë e të moshuarve
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
Mijëra euro kursime, banesa, e shtëpia - çfarë pasurie posedojnë kryetarja e Gjykatës Kushtetuese dhe gjashtë gjyqtarët tjerë?
Mot me shi - mundësi për vërshime në disa zona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj