Pas publikimit të librit “Spare”, Piers Morgan e sulmon Princin Harry: Ai është njeri me dy fytyra

Piers Morgan ka qenë prej kohësh një kritik i Princit Harry dhe Meghan Markle, kështu që nuk është çudi që gazetarit nuk i bën përshtypje libri i tij i ri “Spare”.

Libri do të dalë sot (e martë), por Morgan tashmë e ka përfunduar dhe ka dhënë kritikat e tij në Twitter.

“Një tradhti vërtet tronditëse”, ka thënë personaliteti televiziv mes tjerash në deklaratat kundrejt Dukës së Sussexit.

Just finished reading Spare (me…) – it’s even more salacious in its deeply intrusive revelations about the Royal Family than you can possibly imagine. Prince Privacy’s sold them all down the river for a gazillion pieces of treacherous silver. A truly staggering betrayal. pic.twitter.com/aLGZFnurDF

— Piers Morgan (@piersmorgan) January 9, 2023

Morgan më pas shkroi një kolonë për monarkun në New York Post, në të cilën ai kritikoi, mbi të gjitha, qëllimet e Princit Harry.

“Realiteti i ftohtë dhe i hidhur – dhe ne po flasim për nivelet siberiane të vlimit, pakënaqësisë së akullt këtu – është se Harry synonte plotësisht të shkaktonte dëm maksimal dhe të lëndonte familjen e tij me këtë armë letrare”, shtoi Morgan.

Lexo po ashtu Kate Middleton 'e indinjuar dhe e lënduar' nga akuzat që Princi Harry bëri në librin “Spare”

“Ky ka qenë misioni i tij i pamëshirshëm që kur u largua nga mbretëria, Britania dhe detyrat publike tre vjet më parë”.

“Larg nga kërkimi i privatësisë që pretendon se dëshiron, ai ka pasur guximin të flas me këdo për të shkatërruar familjen e tij, nga Oprah dhe Netflix tek Spotify dhe tani Penguin Random House”.

“Kjo e ka bërë të pasur të qelbur, por me çfarë çmimi?”, thotë më tej ai.

“Sa më shumë që Harry thotë se “nuk ka qenë kurrë më i lumtur, aq më i mjerë duket ai”.

“Si mund të jetë dikush i lumtur për të shitur familjen dhe vendin e tij në këtë mënyrë?”, vazhdon gazetari.

“Libri dhe intervistat e Princit Harry për ta promovuar atë kanë zbuluar se ai është një burrë patetik, paranojak, i privilegjuar dhe me dy fytyra me qëllim që të shkatërrojë familjen e tij dhe institucionin me të cilin përballen”.

Një temë tjetër e sulmit është sugjerimi se Princi Harry është hipokrit, sepse ai është ankuar për mungesën e privatësisë përpara se të publikonte këtë libër që tregon gjithçka. /Telegrafi/