Pas problemeve me stomak, Erdogan shfaqet në publik pas tre ditëve në një panair në Stamboll

Presidenti turk Recep Tayyip Erdogan u pa për herë të parë në publik të shtunën, tre ditë pasi zyra e tij tha se ai kishte një infeksion stomaku, derisa kanë mbetur edhe pak javë drejt zgjedhjeve në vend.

Erdogan iu drejtua një publiku në Stamboll në një panair tregtar të aviacionit, i quajtur Teknofest dhe hodhi lule në drejtim të mbështetësve që erdhën me flamuj turq, transmeton Telegrafi.

Krahas presidentit turk 69-vjeçar në këtë ngjarje ishin presidenti i Azerbajxhanit Ilham Aliyev dhe kryeministri libian Abdul Hamid Mohammed Dbeibah.

Turkish President Erdogan speaking at Teknofest says Azerbaijani President Aliyev promised construction of 1,000 houses in epicentre of #TurkiyeQuakes Kahramanmaras province pic.twitter.com/abrkCtjdNl

— TRT World (@trtworld) April 29, 2023

Si Azerbajxhani ashtu edhe Libia kanë përdorur drone luftarake turke, mes konflikteve, dhe këto makineri pa pilot do të shfaqen në festivalin e aviacionit të fundjavës.

#TEKNOFEST2023 | İstanbulhttps://t.co/Z5WysVWKux

— Recep Tayyip Erdoğan (@RTErdogan) April 29, 2023

Që nga e marta, Erdogan raportohej se nuk po ndihej mirë dhe tani u pa në panairin Teknofest në aeroportin e vjetër Atatürk të Stambollit, një ngjarje që ekspozon dronët dhe aeroplanët e ushtrisë.

Erdogan pati pezulluar fushatën zgjedhore pasi u sëmur gjatë një interviste të drejtpërdrejtë televizive të martën.

Ministri i Shëndetësisë Fahrettin Koca tha se Erdogan vuante nga gastroenteriti – një problem i tretjes që mund të trajtohet lehtësisht dhe zakonisht zgjidhet brenda pak ditësh. /Telegrafi/