Pas lindjes së djalit, Vlora Nikçi rikthehet fuqishëm në rolin e protagonistes në serial

Aktorja e njohur për një numër të madh të roleve, sidomos në teatër por edhe në film, Vlora Nikçi është rikthyer në ekranin e televizionit si protagoniste.

Pas lindjes së djalit që e ka me aktorin e njohur, Armend Baloku, Vlora po luan rolin kryesor në serialin ”Sunrise”.

Aktorja tregon se roli në këtë projekt është shumë i vështirë pasi bazohet në ngjarje të vërtet dhe siç thotë ajo, karakteri që ajo e luan mund të jetë përballë televizionit.

“Luaj rolin e Elizës, e cila ka humbur në luftë babain dhe të fejuarin. Ajo kthehet pas luftës si hetuese dhe gjen një të dashur të ri që edhe e kthen në njëfarë forme më jetë”, thotë aktorja gjatë një bisede në emisionin “PasDite” në RTV Dukagjini.

Lexo po ashtu Sa shumë dashuri fal një grua

“Eliza është një vajzë që sot jeton në Kosovë. Roli bazohet në ngjarje të vërtet. Kështu që kam një obligim plus, pasi ajo grua sot është para një televizioni duke shikuar se si unë po e interpretojë ngjarjen e saj”, tregon më tej aktorja.

Të qenit nënë, Vlora thotë se e plotëson një aktore pasi që më emocionin e nënës veçse e ke dhe nuk ke nevojë ta aktrosh. Vlora tregon se pos serialit ajo po merret edhe me role tjera në teatër. Ajo prej 20 vitesh jeton në SHBA ku edhe ka shumicën e familjes. Aktorja thotë se tashmë ka filluar të merret edhe me afarizëm. Është bërë pronare e disa shtëpizave turistike në një fshat turistik të Pejës./Telegrafi/