Xhamia e parë në Slloveni u hap në kryeqytetin Ljubljana të hënën pas tejkalimit të pengesave financiare dhe kundërshtimit të krahut të djathtë, 50 vjet pasi u bë kërkesa fillestare për ndërtim.
Kundërshtarët e projektit – përfshirë ata që kritikuan financimin e tij nga Katari – në mënyrë të përsëritur janë përpjekur ta ndalojnë atë, transmeton Telegrafi.
Kreu i bashkësisë islame Nedzad Grabus tha që hapja e xhamisë ishte “një pikë kthese në jetën tonë”.
Myslimanët në vendin me shumicë katolike fillimisht paraqitën një kërkesë për ndërtimin e një xhamie në fund të viteve 1960 ndërsa Sllovenia ishte ende pjesë e ish Jugosllavisë komuniste.
Komuniteti më në fund mori leje 15 vjet më parë, por u kundërshtua nga politikanë dhe grupe të krahut të djathtë, si dhe probleme financiare.
Ndërtimi, i cili filloi në vitin 2013, kushtoi rreth 34 milionë euro, nga të cilat 28 milionë ishin dhurime të Katarit, sipas Grabus.
E vendosur në një zonë gjysmë industriale të Lubjanës, xhamia, e cila mund të mbajë deri në 1.400 njerëz, përbën thelbin e Qendrës Kulturore Islamike me gjashtë ndërtesa.
Qendra gjithashtu përfshin zyrat e komunitetit; një qendër arsimi, e cila përfshin një bibliotekë; një restorant; një fushë basketbolli dhe një minare të lartë 40 metra.
Të gjitha ndërtesat janë bërë nga betoni i bardhë i kombinuar me çelik, qelq dhe dru.
“Ne kemi dashur të lidhim vlerat e arkitekturës tradicionale islamike me arkitekturën bashkëkohore”, i tha AFP arkitekti Matej Bevk duke shtuar se fasadat e qelqit të qendrës kishin për qëllim të tregojnë transparencën e tij.
Deri më tani, myslimanët ishin duke adhuruar dhe mbajtur ceremoni në salla sportive ose ndërtesa me qira.
Ata përbëjnë 2.5 për qind të dy milion njerëzve në vend, që përbëjnë grupin e dytë më të madh fetar, sipas regjistrimit të fundit të vitit 2002. Grabus vlerësoi se kishte rreth 80,000 myslimanë aktualisht.
Kundërshtarët e projektit janë përpjekur dy herë ta ndalojnë atë, një herë në 2004 dhe përsëri në 2009, duke kërkuar një referendum. Gjykata kushtetuese i mohoi të dyja kërkesat.
Kritikët pretendojnë se Katari është një nga financuesit kryesorë të terrorizmit.
Kryetari i Ljubljanës, Zoran Jankoviç, e ka mbështetur projektin.
Azra Lekoviç, një myslimane sllovene në fund të viteve 40, e përshkroi xhaminë si “vendimtare”, duke thënë se fëmijët e saj, 22 dhe 24 vjeç, ishin distancuar nga feja ndër vite.
“Shpresoj se do t’i lejojë fëmijët e mi të kontaktojnë përsëri me bashkësinë islamike, të takojnë njerëz përparimtarë dhe të gjejnë miq që e ndajnë fenë e tyre”, i tha AFP sipërmarrësi nga Sezana në Slloveninë perëndimore. /Telegrafi/
Promo
Reklamo këtuLufta Prigozhin - Putin
Më shumë“Hakmarrja” e Izraelit ndaj Iranit – të gjitha zhvillimet, minutë pas minute
"Iranianët janë shumë të frikësuar"
Rreziku për luftë gjithëpërfshirëse në Lindjen e Mesme më i madh se kurrë, paralajmëron mediumi britanik
Izraeli sulmon Iranin me raketa
Ministri ekstremist izraelit e përshkruan me një fjalë sulmin e Izraelit ndaj Iranit
Sistemet e mbrojtjes ajrore të Iranit kanë qëlluar "një objekt të dyshimtë", ka njoftuar një komandant iranian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi