LAJMI I FUNDIT:

Partneriteti mes Kosovës dhe shtetit të Iowa-s të zgjerohet në fushën ekonomike

Partneriteti mes Kosovës dhe shtetit të Iowa-s të zgjerohet në fushën ekonomike

Themelimi i Zonës Ekonomike amerikane paraqet një mundësi të shkëlqyer për të rritur bashkëpunimin ekonomik mes Kosovës dhe shtetit të Iowas, në aspekt të nxitjes së investimeve nga ndërmarrjet amerikane që kanë selinë kryesore në këtë shtet amerikan. Kjo u tha sot gjatë vizitës së Gjeneralit të Gardës Kombëtare të Iowas, Timothy Orr në Odën Ekonomike Amerikane në Kosovë, ku pati rastin të njoftohet me zhvillimet e fundit në këtë fushë.

Gjenerali Orr u shpreh i inkurajuar nga bashkëpunimi i deritanishëm mes Kosovës dhe shtetit të Iowas si rezultat i partneritetit shtetëror në mes dy vendeve, duke potencuar se ka ende hapsirë të punohet në ndërtimin e urave biznesore mes dy vendeve.

Ai theksoi se delegacioni i Iowa që vizitoi Kosovën gjatë muajit të kaluar ka mbetur i impresionuar me zhvillimet pozitive në Kosovë, gjë që dëshmon se të dyja vendet janë të angazhuara që të ketë përfitime të prekshme nga marrëveshja e partneritetit shtetëror, dhe atë jo vetëm në fushën e bashkëpunimit ushtarak.

Drejtori ekzekutiv i Odës Ekonomike Amerikane, Arian Zeka, njoftoi gjeneralin Orr për zhvillimet më të fundit në Kosovë në fushën e ekonomisë duke theksuar në veçanti iniciativën për krijimin e zonës ekonomike amerikane, si një mundësi për të nxitur investimet amerikane në vend.

Ai kërkoi bashkëpunimin e gjeneralit Orr që të ndihmojë në njoftimin e kompanive amerikane nga ky shtet për zonën ekonomike amerikane dhe inkurajimin e tyre që të shtrijnë veprimtarinë e tyre në Kosovë. /Telegrafi/

Në trend Ekonomi

Më shumë
Ik në Blue Fafa për vikend: Shijo pranverën e hershme buzë detit

Ik në Blue Fafa për vikend: Shijo pranverën e hershme buzë detit

Fafa Resort
Rreth 2700 punëtorë të Postës dhe Telekomit pa rroga, Sindikata paralajmëron protesta për të martën

Rreth 2700 punëtorë të Postës dhe Telekomit pa rroga, Sindikata paralajmëron protesta për të martën

Ekonomi
Vizitoni destinacionet magjike me kompaninë kosovare gjatë gjithë verës

Vizitoni destinacionet magjike me kompaninë kosovare gjatë gjithë verës

Prishtina Ticket
Fortesa Home: Lideri në Industri dhe Partneri i Projekteve Luksoze në Kosovë

Fortesa Home: Lideri në Industri dhe Partneri i Projekteve Luksoze në Kosovë

Fortesa Home
Ftesë per ofertim

Ftesë per ofertim "Punime në “Telework” dhe “Civilwork” në rrjetin e IPKO

IPKO
Po kërkoni punë? Telegrafi Jobs ka diçka edhe për ty

Po kërkoni punë? Telegrafi Jobs ka diçka edhe për ty

Ekonomi
Kalo në kategori